കൊല്‍ക്കത്ത : ബംഗാളില്‍ ആര്‍എസ്എസ് സംഘടിപ്പിച്ച സമൂഹ വിവാഹം മമത സര്‍ക്കാര്‍ തടഞ്ഞു. സര്‍ണ ഗോത്ര വിഭാഗത്തിനിടയില്‍ ആര്‍എസ്എസ് സംഘടിപ്പിച്ച സമൂഹ വിവാഹമാണ് സര്‍ക്കാര്‍ ഇടപെട്ട് തടഞ്ഞത്. സര്‍ണ്ണ വിഭാഗത്തെ ഹിന്ദു മതത്തിലേക്ക് പരിവര്‍ത്തനം നടത്താന്‍ ശ്രമിക്കുന്നെന്ന് ആരോപിച്ചാണ് ചടങ്ങ് തടഞ്ഞത്.
ഫെബ്രുവരി 10 ന് അലിപുര്‍ദൂരില്‍ വെച്ച് സമൂഹ വിവാഹം നടത്താനായിരുന്നു ആര്‍എസ്എസ് തീരുമാനിച്ചിരുന്നത്. കഴിഞ്ഞ ആഴ്ച സമൂഹവിവാഹം നടത്തിയതിന് ഒരു വിശ്വഹിന്ദു പരിഷത്ത് നേതാവിനെതിരെ പോലീസ് കേസ് എടുത്തിരുന്നു. ഇതിന് പിന്നാലെയാണ് സമൂഹ വിവാഹം സര്‍ക്കാര്‍ തടഞ്ഞത്.
അതേസമയം ഹിന്ദുക്കളുടെ എണ്ണം കുറയ്‌ക്കാനുള്ള ശ്രമമാണ് മമത സര്‍ക്കാര്‍ നടത്തുന്നത് എന്ന് പശ്ചിമ ബംഗാള്‍ ആര്‍എസ് എസ് സെക്രട്ടറി ജിസ്നു ബസു പറഞ്ഞു. 2011 ലെ സെന്‍സസ് പ്രകാരം ഹിന്ദുക്കളായി കരുതുന്ന ഗോത്രവിഭാഗമാണ് സര്‍ണ. അവരെ ഇനി എന്ത് മതപരിവര്‍ത്തനം നടത്താനാണെന്നും ബസു പറഞ്ഞു.
എന്നാല്‍ സര്‍ണ വിഭാഗത്തെ ഹിന്ദു മതത്തിലേക്ക് പരിവര്‍ത്തനം ചെയ്യാന്‍ ശ്രമം നടത്തുന്നുവെന്ന് ആരോപിച്ച് തങ്ങള്‍ക്ക് പരാതി ലഭിച്ചിരുന്നു. ഇതിന്റെ അടിസ്ഥാനത്തിലാണ് നടപടി സ്വീകരിച്ചതെന്ന് പോലീസ് മറുപടി നല്‍കി.
പ്രതികരിക്കാൻ ഇവിടെ എഴുതുക: