തിരുവനന്തപുരം: അന്തരിച്ച ആര്എസ്എസ് മുതിര്ന്ന നേതാവ് പരമേശ്വര്ജിയ്ക്ക് അനന്തപുരിയില് ആയിരങ്ങളുടെ ആദരാഞ്ജലി. പരമേശ്വര്ജിയുടെ ഭൗതിക ശരീരം ഒരുനോക്കു കാണുവാന് ആയിരങ്ങളാണ് തിരുവനന്തപുരത്തേക്ക് ഒഴുകുന്നത്. ഇന്ന് ഉച്ച കഴിഞ്ഞ് ജന്മദേശമായ ആലപ്പുഴ മുഹമ്മയിലെ വസതിയിലാണ് സംസ്കാരം.
കൊച്ചിയിലെ ആര്എസ്എസ് പ്രാന്ത കാര്യാലയത്തിലെ പൊതുദര്ശനം പൂര്ത്തിയാക്കിയശേഷം വിലാപയാത്രയായാണ് ഭൗതികദേഹം കഴിഞ്ഞ ദിവസം തിരുവനന്തപുരത്ത് എത്തിച്ചത്. രാവിലെ ആറു മണി വരെ സംസ്കൃതി ഭവനിലായിരുന്നു പൊതു ദര്ശനം. മിസോറാം മുന് ഗവര്ണര് കുമ്മനം രാജശേഖരന് അടക്കമുള്ള നേതാക്കള് അദ്ദേഹത്തിനു പ്രണാമമര്പ്പിക്കാനെത്തി .
രാവിലെ എട്ടിന് അയ്യങ്കാളി ഹാളില് നടന്ന പൊതു ദര്ശന ചടങ്ങില് ആര്.എസ്.എസ് സര്കാര്യവാഹ് ഭയ്യാജി ജോഷി പരമേശ്വര്ജിയ്ക്ക് ആദരാഞ്ജലി അര്പ്പിച്ചു. രാജ്യത്തിനായി സമര്പ്പിച്ച ജീവിതമായിരുന്നു പരമേശ്വര്ജിയുടേതെന്ന് അദ്ദേഹം ഓര്മ്മിച്ചു. സമാജ മനസ്സില് പരമേശ്വര്ജി എന്നും ജീവിക്കുമെന്നും ഭയ്യാജി ജോഷി പറഞ്ഞു .
10.30ന് സംസ്കാര ചടങ്ങുകള്ക്കായി ആലപ്പുഴ മുഹമ്മയിലെ വസതിയിലേക്ക് കൊണ്ടു പോകും . ഉച്ചയ്ക്ക് രണ്ടരയ്ക്ക് ശേഷം സംസ്കാര ചടങ്ങുകള് നടക്കും.
