കാഞ്ഞങ്ങാട്: സ്വാതന്ത്രസമര സേനാനിയായിരുന്ന കെ.മാധവന്റെ പേരില് രൂപീകരിച്ച കെ.മാധവന് ഫൗണ്ടേഷന്റെ ആസ്ഥാനമന്ദിരമായ ഗുരുവായൂര് സത്യാഗ്രഹ സ്മാരക മന്ദിരത്തിന്റെ ഉദ്ഘാടന ചടങ്ങ് ഇടത്പക്ഷ പാര്ട്ടി സമ്മേളനമായി മാറ്റി. ചെമ്മട്ടം വയല് ദേശീയപാതയോരത്ത് സര്ക്കാര് പതിച്ച് നല്കിയ ഭൂമിയില് നിര്മ്മിച്ച ആസ്ഥാന മന്ദിരത്തിന് കഴിഞ്ഞ യുഡിഎഫ് സര്ക്കാര് 25 ലക്ഷവും ഇടത് സര്ക്കാര് 50 ലക്ഷവും ജില്ലാ പഞ്ചായത്തും കാഞ്ഞങ്ങാട് നഗരസഭയുള്പ്പെടെ തദ്ദേശ സ്വയംഭരണ സ്ഥാപനങ്ങള്, വ്യക്തികള്, പ്രവാസികള് എന്നിവര് ചേര്ന്നാണ് മന്ദിരം പൂര്ത്തീകരിച്ചത്. മുഖ്യമന്ത്രി പിണറായി വിജയന് ഉള്പ്പെടെയുള്ളവര് വേദിയിരിക്കുമ്പോള് മുതിര്ന്ന കോണ്ഗ്രസ് നേതാവും ഫൗണ്ടേഷന്റെ വൈസ് ചെയര്മാനുമായ സി.കെ.ശ്രീധരന് ഇടതുപക്ഷ പാര്ട്ടിനേതാവിനെ പോലെ സംസാരിക്കാനും സ്വാഗത പ്രസംഗത്തില് മടികാണിച്ചില്ല.
മന്ത്രി ഇ.ചന്ദ്രശേഖരന് അധ്യക്ഷത വഹിച്ച പരിപാടിയില് സിപിഎം നേതാവ് സീതാറാം യെച്ചൂരി, എംപി വിനോയ് വിശ്വം രാജ് മോഹന് ഉണ്ണിത്താന് എംപി, മുന് എംപി പി.കരുണാകരന്, ജില്ലാ പഞ്ചായത്ത് പ്രസിഡണ്ട് എ.ജി.സി. ബഷീര്, സിപിഎം ജില്ലാ സെക്രട്ടറി എം.വി.ബാലകൃഷ്ണന് മാസ്റ്റര്, കോണ്ഗ്രസ് ജില്ലാ പ്രസിഡന്റ് ഹക്കിം കുന്നില്, സിപിഐ ജില്ലാ സെക്രട്ടറി അഡ്വ.ഗോവിന്ദന് പള്ളിക്കാപ്പില് തുടങ്ങിയ നേതാക്കളെ പങ്കെടുപ്പിച്ചുകൊണ്ടുള്ള ഈ പരിപാടിയില് ബിജെപി നേതാക്കളെയോ ജന പ്രതിനിധികളെയോ ഉള്പ്പെടുത്താതെ ഫൗണ്ടേഷന് ഭാരവാഹികള് വിവേചനം കാണിച്ചതിനു പിന്നാലെ ബിജെപി ദേശീയ സമിതി അംഗവും ഫൗണ്ടേഷന്റെ സ്ഥാപക നേതാക്കളിലൊരാളായ സ്വ.മടിക്കൈ കമ്മാരേട്ടനും സമ്മേളനം അയിത്തം കല്പിച്ചു.
ഡോ.സി.ബാലന് അവതരിപ്പിച്ച പ്രവര്ത്തന റിപ്പോര്ട്ടില് ഫൗണ്ടേഷന് രൂപീകരണം മുതല് പ്രവര്ത്തിച്ച് മണ്മറഞ്ഞുപോയ പള്ളിപ്രം ബാലന് എംഎല്എ, അഡ്വ.പുരുഷോത്തമന്, കെ.രാധാകൃഷ്ണന് നായര്, കെ.നാരായണന് എന്നിവര്ക്ക് ആദരാഞ്ജലികള് അര്പ്പിച്ചപ്പോള് ഭാരവാഹിയായിരുന്ന മടിക്കൈ കമ്മാരേട്ടന്റെ പേര് ഉള്പ്പെടുത്താതെ അയിത്തം കല്പിച്ച് അദ്ദേഹത്തെ അപമാനിക്കുകയായിരുന്നു. മടിക്കൈ കമ്മാരന് ഫൗണ്ടേഷന് രുപീകരണം മുതല് അദ്ദേഹത്തിന്റെ മരണം വരെ പ്രവര്ത്തനങ്ങളില് സജീവമായിരുന്നു. അദ്ദേഹത്തിന്റെ സേവനങ്ങളെ ചരിത്രത്താളുകളില് നിന്ന് മായിച്ചു കളയാനുള്ള ശ്രമങ്ങളാണ് ഇടത് മുന്നണികള് നടത്തിയത്.
അവാര്ഡ് ദാനവും ഉദ്ഘാടനവും ഇടത് അനുകൂല പാര്ട്ടി പരിപാടിയാണെന്ന കാരണത്താലാണ് പ്രതി പക്ഷ നേതാവ് രമേഷ് ചെന്നിത്തലയും എത്താതിരുന്നതെന്ന് പറയുന്നു. ഇത്തവണത്തെ പുരസ്കാര ജേതാവായ സിപിഎം ജന.സെക്രട്ടറി സീതാറാം യെച്ചൂരിയാകട്ടെ മറുപടി പ്രസംഗത്തില് ഉടനീളം ആര്എസ്എസിനും ബിജെപിക്കുമെതിരായ രാഷ്ട്രീയ പ്രസംഗമാണ് നടത്തിയത്. കെ.മാധവനെന്ന ഗാന്ധിയന് സ്വതന്ത്ര സമരസേനാനിയെ ഒരു രാഷ്ട്രീയ നേതാവ് മാത്രമായി ചിത്രീകരിക്കുന്ന തരത്തിലേക്കാണ് ചടങ്ങ് സാക്ഷ്യം വഹിച്ചത്. പൗരത്വ നിയമത്തിന് അനുകൂലമായി സംസാരിക്കുമോയെന്ന് ഭയം കാരണം ബിജെപി നേതാക്കളെ പരിപാടിക്ക് ക്ഷണിക്കാതെ മാറ്റി നിര്ത്തിയതിലൂടെ മാധവേട്ടനെ സ്നേഹിക്കുന്ന ഒരു വിഭാഗം ആളുകള് അസംന്തുഷ്ടരാണ്.
