തിരുവനന്തപുരം : സംസ്ഥാനത്ത് ഗവര്ണറുടെ പ്രസക്തിയെ കുറിച്ച് ചിന്തിക്കണം. ഗവര്ണര് പദവി സംസ്ഥാനങ്ങള്ക്ക് ആവശ്യമില്ലാത്തതാണെന്ന് സിപിഎം ജനറല് സെക്രട്ടറി സീതാറാം യെച്ചൂരി. കേന്ദ്ര കമ്മിറ്റിക്ക് ശേഷം നടന്ന വാര്ത്താ സമ്മേളനത്തിലാണ് യെച്ചൂരി ഇത്തരത്തില് വിവാദ പരാമര്ശം നടത്തിയത്.
ഗവര്ണര് പദവി സംസ്ഥാനങ്ങള്ക്ക് ആവശ്യമില്ലാത്തതാണ്. അഥവാ ഉണ്ടെങ്കില് ഭരണഘടന അനുസരിച്ച് ഇവര് പ്രവര്ത്തിക്കണമെന്നും യെച്ചൂരി പറഞ്ഞു. പൗരത്വ ഭോദഗതിയുമായി ബന്ധപ്പെട്ട് സംസ്ഥാനം പ്രമേയം പാസാക്കുകയും സുപ്രീംകോടതിയില് സ്യൂട്ട് ഹര്ജി നല്കുകയും ചെയ്തതില് ഗവര്ണറെ അറിയിക്കാത്തതില് ആരിഫ് മുഹമ്മദ് ഖാന് വിമര്ശിച്ചിരുന്നു. ഇതിന്റെ പശ്ചാത്തലത്തിലാണ് യെച്ചൂരിയുടേയും പ്രസ്താവന.
പൗരത്വ ഭേദഗതി നിയമത്തെ സംബന്ധിച്ച് വീടുകള് കയറി ബോധവത്കരണം നടത്തും. പൗരത്വ രജിസ്റ്റര് സംബന്ധിച്ചും ജനസംഖ്യാ രജിസ്റ്റര് സംബന്ധിച്ചും ഉള്ള പ്രശ്നങ്ങള് ജനങ്ങളോട് വിശദീകരിക്കും. ജനസംഖ്യാ രജിസ്റ്ററുമായി ജനങ്ങള് സഹകരിക്കരുതെന്നും സിപിഎം ആഹ്വാനം ചെയ്യുന്നതായും യെച്ചൂരി പരസ്യമായി അറിയിക്കുകയും ചെയ്തു.
