തിരുവനന്തപുരം: കേരള ഗവര്ണര് ആരിഫ് മുഹമ്മദ് ഖാനെതിരെ സിപിഎം ജനറല് സെക്രട്ടറി സീതാറാം യെച്ചൂരി. നിയമസഭയുടെ അധികാരവും ഇന്ത്യന് ഭരണഘടനയും ഗവര്ണര്ക്ക് മനസിലാക്കിയിട്ടില്ല . തദ്ദേശ സ്വയംഭരണ സ്ഥാപനങ്ങളിലെ വാര്ഡ് വിഭജനത്തിനെതിരെയുള്ള ഗവര്ണറുടെ നടപടി നിര്ഭാഗ്യകരമാണെന്നും യെച്ചൂരി പറഞ്ഞു.
ഭരണഘടനാ മൂല്യങ്ങള് ഉയര്ത്തിപ്പിടിക്കുന്ന പ്രസ്താവനകളായിരിക്കണം ഗവര്ണര് നടത്തേണ്ടത്. നിര്ഭാഗ്യവശാല് അതിന് വിരുദ്ധമായ പരാമര്ശങ്ങള് ആണ് ഗവര്ണര് ആരിഫ് മുഹമ്മദ് ഖാന് നടത്തുന്നതെന്നും അദേഹം പറഞ്ഞു.തദ്ദേശ സ്വയംഭരണ സ്ഥാപനങ്ങളിലെ വാര്ഡ് വിഭജനവുമായി ബന്ധപ്പെട്ടുള്ള ഓര്ഡിനന്സില് ഗവര്ണര് ആരിഫ് മുഹമ്മദ് ഖാന് ഒപ്പിടാത്തതിനെ ചൊല്ലിയാണ് വിമര്ശനം . 2011 സെന്സസ് വിവരങ്ങളുടെ അടിസ്ഥാനത്തില് വിഭജിക്കാന് ഉത്തരവിട്ടു കൊണ്ട് സര്ക്കാര് കൊണ്ടു വന്ന ഓര്ഡിനന്സിലാണ് ഗവര്ണര് ഒപ്പിടാന് വിസമ്മതിച്ചത്.
