ജനുവരി 14 മുതല് ഫെബ്രുവരി 18 വരെ നടക്കുന്ന അഗസത്യാര്കൂട ട്രക്കിംഗിനായുള്ള സന്ദര്ശന പാസുകള്ക്ക് ജനുവരി എട്ടു മുതല് അപേക്ഷിക്കാം. 100 പേര്ക്കുമാത്രമേ ഒരു ദിവസം പ്രവേശനം അനുവദിക്കുകയുള്ളൂ. സന്ദര്ശന പാസ്സുകള്ക്ക് ഓണ്ലൈനായോ അക്ഷയകേന്ദ്രം മുഖേനയോ അപേക്ഷിക്കാം. ബുക്കിംഗ് സൗകര്യം ജനുവരി എട്ടിന് രാവിലെ 11 മണി മുതല് ലഭ്യമാകുന്നതാണ്.
അപേക്ഷിക്കേണ്ട രീതി
വനം വകുപ്പിന്റെ ഓദ്യോഗിക വെബ്സൈറ്റായ www.forest.kerala.gov.in അല്ലെങ്കില് serviceonline.gov.in/trekking സന്ദര്ശിച്ച് ടിക്കറ്റ് ബുക്ക് ചെയ്യാവുന്നതാണ്.
അക്ഷയകേന്ദ്രങ്ങളില് ടിക്കറ്റ് ബുക്ക് ചെയ്യാന് എത്തുന്നവര് അവരുടേയും ടീം അംഗങ്ങളുടെയും ഫോട്ടോ പതിപ്പിച്ച തിരിച്ചറിയല് കാര്ഡിന്റെ പകര്പ്പുകൂടി കൊണ്ടുവരേണ്ടതാണ്. ട്രക്കിംഗില് പങ്കെടുക്കുന്നവരുടെ തിരിച്ചറിയല് കാര്ഡ് നമ്പര് ഓണ്ലൈന് അപേക്ഷയില് ഉള്പ്പെടുത്തേണ്ടതാണ്.
പരമാവധി 10 ആളുകളെ മാത്രമേ ഒരു ടിക്കറ്റില് ഉള്പ്പെടുത്തുകയുള്ളു. ഒരാള്ക്കുള്ള ടിക്കറ്റ് നിരക്ക് 1,100/ രൂപയാണ്. അക്ഷയകേന്ദ്രങ്ങള് മുഖേന ബുക്ക് ചെയ്യുമ്പോ അഞ്ചുപേര്വരെയുളള ടിക്കറ്റിന് 50 രൂപയും പത്തുപേര്വരെയുള്ള ടിക്കറ്റിന് 70 രൂപയും അധികമായി നല്കേണ്ടിവരും.
ബുക്കിംഗ് നിര്ദേശങ്ങള്
14 വയസ് കഴിഞ്ഞവര്ക്ക് മാത്രമേ ടിക്കറ്റ് അനുവദിക്കുകയുള്ളു.
സ്ത്രീകള്ക്ക് പ്രത്യേക പരിഗണനയുണ്ടായിരിക്കുന്നതല്ല.
നല്ല ശാരീരിക ക്ഷമതയുളളവര് മാത്രമേ ട്രക്കിംഗില് പങ്കെടുക്കാവു.
സന്ദര്ശകര് ടിക്കറ്റ് പ്രിന്റ്ഔട്ടിന്റെ പകര്പ്പും ഫോട്ടോ പതിച്ച തിരിച്ചറിയല് കാര്ഡിന്റെ അസ്സലും സഹിതം ബോണക്കാടുള്ള ഫോറസ്റ്റ് പിക്കറ്റ് സ്റ്റേഷനില് ട്രക്കിംഗ് ദിവസം രാവിലെ 7 മണിക്ക് എത്തിച്ചേരേണ്ടതാണ്.
ഒരു ടിക്കറ്റില് ഉള്പ്പെ ഒരാളെങ്കിലും ടിക്കറ്റ് പ്രിന്റ് ഔട്ടിനോടൊപ്പമുള്ള സത്യപ്രസ്താവന ഒപ്പിട്ട് നല്കണം.
10 പേരടങ്ങുന്ന ഓരോ ഗ്രൂപ്പിനും ഒരു ഗൈഡിന്റെ സേവനം ലഭ്യമാക്കും.
നിബന്ധനകള്
സന്ദര്ശകര് പൂജാദ്രവ്യങ്ങള്, പ്ലാസ്റ്റിക്, മദ്യം, മറ്റ് ലഹരി പദാര്ത്ഥങ്ങള് എന്നിവ കാണ്ടുപോകുന്നത് കര്ശനമായി നിരോധിച്ചിട്ടുണ്ട്. വനത്തിനുള്ളില് പുകവലി, ഭക്ഷണം പാകം ചെയ്യല് എന്നിവയും അനുവദിക്കുന്നതല്ല. നിരോധനം ലംഘിക്കുന്നവര്ക്കെതിരെ പിഴയടക്കമുള്ള കര്ശന നടപടികള് സ്വീകരിക്കുന്നതാണ്.സന്ദര്ശകരുടെ സൗകര്യാര്ത്ഥം ബോണക്കാട്, അതിരുമല എന്നീ സ്ഥലങ്ങളില് വനം വകുപ്പിന്റെ കീഴിലുള്ള ഇക്കോ-ഡെവലപ്പ്മെന്റ് കമ്മിറ്റിയുടെ കാന്റീനുകള് 24 മണിക്കൂറും പ്രവര്ത്തിക്കുന്നതാണ്.
വിശദവിവരങ്ങള്ക്കായി
കൂടുതല് വിവരങ്ങള്ക്കായി തിരുവനന്തപുരം പിടിപി നഗറില് പ്രവര്ത്തിക്കുന്ന വെല്ഡ്ലൈഫ് വാര്ഡന്റെ ഓഫീസുമായി ബന്ധപ്പെടാവുന്നതാണ്.
ഫോണ് – 0471 2360762
