തിരുവനന്തപുരം: രാജിവച്ചില്ലെങ്കില് തെരുവിലിറങ്ങി നടക്കാന് ഗവര്ണറെ അനുവദിക്കില്ലെന്ന് വെല്ലുവിളിക്കുന്ന കെ. മുരളീധരന് ജീവിക്കുന്നത് വിഡ്ഢികളുടെ സ്വര്ഗത്തിലാണെന്ന് യുവമോര്ച്ച സംസ്ഥാന പ്രസിഡന്റ് അഡ്വ. പ്രകാശ് ബാബു. ഗവര്ണര് ആരിഫ് മുഹമ്മദ് ഖാനെ ഭീഷണിപ്പെടുത്തിയുള്ള കെ. മുരളീധരന്റെ പ്രസ്താവനവയ്ക്ക് ഫെയ്സ്ബുക്കിലൂടെ ചൂട്ട മറുപടിയാണ് പ്രകാശ് ബാബു നല്കിയത്.
ലീഡര് കെ. കരുണാകരന് ഇതിലും വലിയ സ്വപ്നങ്ങള് കണ്ടിട്ടുണ്ട്. അത് നടന്നിട്ടില്ല പിന്നല്ലെ കിങ്ങിണിക്കുട്ടന്റെ ദിവാ സ്വപ്നമെന്നും അദ്ദേഹം പരിഹസിച്ചു. ആണായി മുന്നില് നില്ക്കണം കിങ്ങിണി കുട്ടാ.. എന്ന് തുടങ്ങുന്ന പോസ്റ്റില് ഗവര്ണര് രാജിവച്ചുപോയിലെങ്കില് തെരുവിലിറക്കില്ലെന്ന മുരളീധരന്റെ മോഹം മടക്കി വീട്ടില് വച്ചാല് മതിയെന്നും പ്രകാശ് ബാബു വിമര്ശിക്കുന്നു. ഗവര്ണറെ ഒറ്റ തിരിഞ്ഞാക്രമിക്കാനും വഴി തടയാനുമാണ് ശ്രമമെങ്കില് മുരളീധരനും വീട്ടിന്റെ ഗേറ്റിന് പുറത്തേക്ക് വരില്ലെന്നും അദ്ദേഹം തുറന്നടിച്ചു.
ഫെയ്സ്ബുക്ക് പോസ്റ്റിന്റെ പൂര്ണരൂപം:-
ആണായി മുന്നില് നില്ക്കണം കിങ്ങിണി കുട്ടാ…
ഗവര്ണര് രാജിവച്ചുപോയിലെങ്കില് തെരുവിലിറങ്ങില്ലെന്ന കെ.മുരളീധരന്റെ മോഹം മടക്കിവച്ചങ്ങ് വീട്ടില് വച്ചാല് മതി. ചില രാജ്യദ്രോഹ ശക്തികളെ മുന്നില് കണ്ട ധൈര്യത്തില് ഭരണഘടന കര്ത്തവ്യം നിര്വ്വഹിക്കുന്ന ഗവര്ണറെ കണ്ണു മിഴിച്ച് ഭയപ്പെടുത്താന് ശ്രമിക്കുന്ന കെ.മുരളീധരന് വിഢികളുടെ സ്വര്ഗ്ഗത്തിലാണ്.ഗവര്ണറെ ഒറ്റ തിരിഞ്ഞാക്രമിക്കാനും വഴി തടയാനുമാണ് ശ്രമമെങ്കില് മുരളീധരനും വീട്ടിന്റെ ഗേറ്റിന് പുറത്തേക്ക് വരില്ല. ഇതിലും വലിയ സ്വപ്നങ്ങള് പണ്ട് കെ.കരുണാകരന് കണ്ടിട്ടുണ്ട്, അതു നടന്നില്ല പിന്നല്ലേ കിങ്ങിണിക്കുട്ടന്റെ ദിവാ സ്വപ്നം…..
