തമിഴരശന്‍ എന്ന തമിഴ് ചിത്രത്തിലൂടെ മലയാളികളുടെ പ്രീയപ്പെട്ട നടന്‍ സുരേഷ് ഗോപി ഒരിടവേളയ്‌ക്ക് ശേഷം വെള്ളിത്തിരയിലേക്ക് തിരിച്ചെത്തുന്നു. ചിത്രത്തിന്റെ ഫോട്ടോകള്‍ ഓണ്‍ലൈനില്‍ നേരത്തെ തരംഗമായിരുന്നു. ഇപ്പോഴിതാ ചിത്രത്തിന്റെ ടീസറും അണിയറപ്രവര്‍ത്തകര്‍ പുറത്തുവിട്ടു. സുരേഷ് ഗോപി അഭിനയിക്കുന്ന രംഗവും ടീസറില്‍ ഉള്‍പ്പെടുത്തിയിട്ടുണ്ട്.
സുരേഷ് ഗോപിയുടെ ചിത്രം തിയേറ്ററിലെത്തുന്നത് ആഘോഷമാക്കാനൊരുങ്ങുകയാണ് അദ്ദേഹത്തിന്റെ ആരാധകര്‍. മലയാളി താരം, രമ്യാ നമ്പീശനാണ് ചിത്രത്തില്‍ നായികയായി എത്തുന്നത്. വിജയ് ആന്റണിയാണ് നായകന്‍. ബാബു യോഗേശ്വരന്‍ ആണ് സംവിധായകന്‍. 2015ല്‍ മൈ ഗോഡ് എന്ന ചിത്രമാണ് സുരേഷ് ഗോപിയുടെതായി ഏറ്റവും ഒടുവില്‍ റിലീസ് ചെയ്തത്.
പ്രതികരിക്കാൻ ഇവിടെ എഴുതുക: