ബെംഗളൂരു: പേജാവര് മഠാധിപതി വിശ്വേര തീര്ത്ഥ സ്വാമിയുടെ സമാധിയെ തുടര്ന്ന് മൂന്ന് ദിവസത്തെ ദു:ഖാചരണം പ്രഖ്യാപിച്ച് കര്ണാടക സര്ക്കാര്. ഡിസംബര് 29 മുതല് 31 വരെ ദു:ഖാചരണം നടത്താനാണ് സര്ക്കാര് തീരുമാനിച്ചിരിക്കുന്നത്.
ഞായറാഴ്ച രാവിലെയാണ് വിശ്വേര തീര്ത്ഥ സ്വാമി സമാധിയായത്. ന്യൂമോണിയ ബാധിതനായിരുന്ന അദ്ദേഹത്തെ ഡിസംബര് 20 ന് മണിപ്പാലിലെ കസ്തൂര്ബ ആശുപത്രിയില് പ്രവേശിപ്പിച്ചിരുന്നു. ഇന്നലെ ആരോഗ്യനില വഷളായതിനെ തുടര്ന്ന് അദ്ദേഹത്തെ വെന്റിലേറ്ററിന്റെ സഹായത്തോടെ ഉഡുപ്പിയിലെ പേജാവര് മഠത്തിലേക്ക് മാറ്റുകയായിരുന്നു.
പ്രധാനമന്ത്രി നരേന്ദ്രമോദി, ആഭ്യന്തര മന്ത്രി അമിത് ഷാ, കര്ണാടക മുഖ്യമന്ത്രി യദ്യൂരപ്പ എന്നിവര് സ്വാമിക്ക് ശ്രദ്ധാഞ്ജലി അര്പ്പിച്ചു. പേജാവര് മഠവും ശ്രീകൃഷ്ണ ക്ഷേത്രവും സ്ഥിതി ചെയ്യുന്ന ഉഡുപ്പിയിലെ കാര് സട്രീറ്റില് കര്ശന സുരക്ഷയാണ് ഏര്പ്പെടുത്തിയിരിക്കുന്നത്.
വിശ്വ തീര്ത്ഥ സ്വാമിജിയുടെ അവസ്ഥ വളരെ ഗുരുതരമാണെന്നും അദ്ദേഹത്തിന്റെ ആരോഗ്യസ്ഥിതി മോശമാണെന്നും കസ്തൂര്ബ ഹോസ്പിറ്റല് അറിയിച്ചിരുന്നു. മസ്തിഷ്കത്തിന്റെ പ്രവര്ത്തനം തകരാറിലായിരുന്നതായും വെന്റിലേറ്ററിന്റെ സഹായത്തോടെയാണ് ജീവന് നിലനിര്ത്തുന്നതെന്നും ആശുപത്രി അധികൃതര് അറിയിച്ചതോടെയാണ് സ്വാമിയെ ആശ്രമത്തിലേക്ക് മാറ്റിയത്.
