ദുബായ്: അമേരിക്കയിലെ ബോസ്റ്റണ്‍ യൂണിവേഴ്സിറ്റി വിദ്യാര്‍ത്ഥിയായ ശരത് കുമാര്‍ നമ്പ്യാര്‍ (കണ്ണൻ-21) ദുബായിൽ കാറപകടത്തിൽ മരിച്ചു. തിരുവനന്തപുരം കുറവന്‍കോണം സായി പ്രസാദത്തില്‍ ആനന്ദ് കുമാറിൻറെയും (നന്ദു) രാജശ്രീ പ്രസാദിൻറെയും മകനാണ് ശരത് .
അവധിയായതിനാല്‍ അമേരിക്കയില്‍ നിന്ന് ദുബായില്‍ ജോലി ചെയ്യുന്ന അമ്മയെ കാണാൻ എത്തിയതാണ് ശരത്. അമ്മയ്‌ക്കൊപ്പം തിരുവനന്തപുരത്തേക്ക് വരാനിരിക്കെ ബുധനാഴ്ച വെളുപ്പിനായിരുന്നു അപകടം. ദുബായില്‍ രാംകോ ഇൻഫോടെക് വൈസ് പ്രസിഡന്റാണ് രാജശ്രീ. ഡൂൺ സ്കൂളിൽ പഠിച്ച ശേഷം ബോസ്റ്റണിൽ ഇന്റർനാഷണൽ റിലേഷൻസ് വിദ്യാർഥിയായ ശരത് അവസാന വർഷ പരീക്ഷ കഴിഞ്ഞ് നിൽക്കുകയായിരുന്നു.
മൃതദേഹം ഇന്ന് (വെള്ളിയാഴ്ച) വീട്ടിലെത്തിക്കും. സംസ്കാരം വൈകുന്നേരം അഞ്ചിന് വീട്ടുവളപ്പിൽ.
പ്രതികരിക്കാൻ ഇവിടെ എഴുതുക: