ഈ വര്ഷം ആഗസ്ത് മാസം അഞ്ചാം തീയതിയാണ് കേന്ദ്ര ആഭ്യന്തര മന്ത്രി അമിത് ഷാ രാജ്യസഭയില് ജമ്മു കശ്മീര് എന്ന സംസ്ഥാനത്തെ രണ്ടായി വിഭജിച്ച് ലഡാക്ക് എന്നും ജമ്മു കശ്മീര് എന്നും പേരുള്ള രണ്ട് കേന്ദ്ര ഭരണ പ്രദേശങ്ങളെ പ്രഖ്യപിക്കുന്നത്. ഒരു രാജ്യത്തിന്റെ ഭാഗമായിരുന്നിട്ട് കൂടി വേറിട്ട നിയമവും ഭരണ ഘടനയും അനുസരിക്കേണ്ടി വന്ന ഒരു ജനതയെ ഇന്ത്യന് ഭരണഘടന വിഭാനം ചെയ്യുന്ന സമത്വത്തിലേക്ക് കൈപിടിച്ചു നടത്തിയ ദിനമായിരുന്നു അത്.
വിഷയം ഇപ്പോള് അതൊന്നുമല്ല. അന്നുമുതല് കശ്മീര് അശാന്തമാണ് എന്ന ജിഹാദികളുടെ വാദത്തിനൊപ്പം ചേര്ന്നു സമരം ചെയ്തുകൊണ്ടിരിക്കുന്നവരാണ് ഇവിടുത്തെ സിപിഎമ്മും ഇടതുപക്ഷവും. എന്നാല് പാര്ട്ടിയുടെ വാദങ്ങളെ അപ്പാടെ തള്ളിക്കൊണ്ട് കശ്മീരിലേക്ക് വിനോദയാത്ര പോയിരിക്കുകയാണ് തിരുവനന്തപുരം സെക്രട്ടറിയേറ്റില് നിന്നുള്ള സഖാക്കള്. കശ്മീരില് സമാധാനമില്ലായെന്ന് നിരന്തരം സമരം ചെയ്ത കേരള സെക്രട്ടറിയേറ്റ് എംപ്ലോയീസ് അസോസിയേഷന് തന്നെയാണ് രചനാ കശ്മീര് ടൂര് 2019 എന്ന പേരില് യൂണിയന്റെ ഔദ്യോഗിക അവധിക്കാല വിനോദയാത്ര കാശ്മീതിലേക്ക് തന്നെ വച്ചിരിക്കുന്നത്. സഖാവ് തരിഗാമിയെ കാണാന് പോലും കഴിയാത്ത വിധം സഞ്ചാര സ്വാതന്ത്ര്യം ഹനിക്കപ്പെട്ടുവെന്ന് പാര്ട്ടി സെക്രട്ടറി സീതാറാം യെച്ചൂരി കോടതിയില് വാദിച്ച് ചുരുക്കം ആഴ്ചകള് കഴിഞ്ഞാണ് സ്വന്തം പാര്ട്ടി പ്രവര്ത്തകരുടെ ഈ പാര്ട്ടി നിലപാടിനെ തള്ളിയുള്ള വിനോദയാത്ര എന്നതാണ് കൗതുകം.
പാര്ട്ടിയുടെ ഔദ്യോഗിക നിലപാടിനെ ഹനിക്കും വിധം യാത്ര ചെയ്തതിനും അതിന്റെ ചിത്രങ്ങള് അടക്കം സാമൂഹിക മാധ്യമങ്ങളില് പരസ്യമായി പോസ്റ്റ് ചെയ്തതിനും തീവ്രത കുറഞ്ഞ ശിക്ഷാ നടപടിയെങ്കിലും സെക്രട്ടറിയേറ്റ് സഖാക്കള്ക്ക് പ്രതീക്ഷിക്കാം.
