ന്യൂദല്ഹി: ബിജെപിയില് നിന്നു രാജിവച്ചു കോണ്ഗ്രസില് ചേര്ന്ന മുന് എം.പി സാവിത്രി ഭായ് ഫുലെ പാര്ട്ടി വിട്ടു. തന്റെ ശബ്ദം കോണ്ഗ്രസ് കേള്ക്കുന്നില്ലെന്നാരോപിച്ചാണ് രാജി. താന് സ്വന്തമായി പാര്ട്ടിയുണ്ടാക്കുമെന്നും അവര് വാര്ത്താസമ്മേളനത്തില് പറഞ്ഞു. ഉത്തര്പ്രദേശിലെ ബഹ്റൈച്ച് എം.പിയായിരുന്ന ഫുലെ ഈ വര്ഷം മാര്ച്ച് മൂന്നിനാണ് കോണ്ഗ്രസില് ചേര്ന്നത്.
അന്നത്തെ കോണ്ഗ്രസ് അധ്യക്ഷന് രാഹുല് ഗാന്ധിയുടെയും ഉത്തര്പ്രദേശിന്റെ ചുമതലയുള്ള എ.ഐ.സി.സി ജനറല് സെക്രട്ടറിമാരായ പ്രിയങ്കാ ഗാന്ധി, ജ്യോതിരാദിത്യ സിന്ധ്യ എന്നിവരുടെയും സാന്നിധ്യത്തിലായിരുന്നു അവര് കോണ്ഗ്രസില് ചേര്ന്നത്. ദളിത് നേതാവായിരുന്ന ഫുലെ കഴിഞ്ഞ വര്ഷം ബി.ആര് അംബേദ്കറുടെ ചരമ വാര്ഷിക ദിനത്തിലാണ് ബിജെപിയില് നിന്ന് രാജിവെച്ചത്.
