തിരുവനന്തപുരം: കര്ണാകട മുഖ്യമന്ത്രി യദ്യൂരപ്പയ്ക്ക് നേരെ കണ്ണൂരില് എസ്എഫ്ഐ-യൂത്ത്കോണ്ഗ്രസ് നടത്തിയ ആക്രമണം മുഖ്യമന്ത്രി പിണറായി വിജയന്റെ അറിവോടെയെന്ന് ബിജെപി ദേശീയ നിര്വാഹക സമിതി അംഗം പി.കെ. കൃഷ്ണദാസ്. ആക്രമണം ആസൂത്രണം ചെയ്ത്ത് മുഖ്യമന്ത്രിയുടെ അഅനുവാദത്തോട് കൂടിയെന്നും അദ്ദേഹം പറഞ്ഞു. പൗരത്വബില്ലിനെതിരെ ഭരണപ്രതിപക്ഷം കൈകോര്ത്തതിന്റെ ഫലമാണ് യദ്യൂരപ്പയ്ക്ക് നേരെ ഉണ്ടായ നികൃഷ്ടമായ ആക്രമണം. അക്രമിച്ചത് നേരത്തെ തയ്യാറാക്കിയ തിരക്കഥയുടെ അടിസ്ഥാനത്തിലാണ്. ആവശ്യമായ സുരക്ഷ ഒരുക്കുന്നതില് ആഭ്യന്ത്ര വകുപ്പിന് വീഴ്ചപറ്റി.
സാധാരണ മന്ത്രിമാര്ക്ക് നല്കുന്ന സുരക്ഷപോലും ഈ പ്രത്യേക സാഹചര്യത്തില് ആഭ്യന്തര വകുപ്പ് നല്കിയില്ല. അക്രമികള്ക്കായി ഡ്രൈവര് വാഹനം നൃത്തിക്കൊടുത്തും വടികൊണ്ട് അക്രമികള് വാഹനത്തിലടിച്ചതും സര്ക്കാര് തലത്തില് നടന്ന ഗൂഢാലോചനയാണ്. പൗരത്വ നിയമം നടപ്പിലാക്കില്ലെന്ന് പറഞ്ഞപോലെ യദ്യൂരപ്പ കേരളത്തില് വരരുതെന്ന് പറയണമായിരുന്നു. പൗരത്വബില്ലിനെ അനുകൂലിക്കുന്ന ബിജെപി നേതാക്കളെ സര്ക്കാര് ഒത്താശയോടെ അപായപ്പെടുത്താന് ശ്രമിക്കുകയാണ്. സംസ്ഥാനത്ത് ഒരിടത്തും ഇത്തരം അക്രമം ഉണ്ടായിട്ടില്ല.
ഇക്കാര്യത്തില് മുഖ്യമന്ത്രി നിലപാട് വ്യക്തമാക്കണം. ഇത്തരം അക്രമണങ്ങളിലൂടെ ബിജെപി നേതാക്കളെ അടിച്ചമര്ത്താന് ശ്രമിച്ചാല് കനത്ത വിലനല്കേണ്ടിവരും. ഭവിഷത്ത് ഗുരുതരമാകും. മുഖ്യമന്ത്രിക്കും പ്രതിപക്ഷ നേതാവിനും പുറത്തിറങ്ങാന് ബിജെപി പ്രവര്ത്തകരുടെ അനുവാദം വേണ്ടിവരും. അത്തരം സമരങ്ങളിലേക്ക് വലിച്ചിഴക്കരുതെന്നും അദ്ദേഹം പറഞ്ഞു. മുഖ്യമന്ത്രിയുടെ സര്വ്വക്ഷി യോഗത്തിനുള്ള ക്ഷണവും അജണ്ടയും കിട്ടിയാല് പാര്ട്ടി ആലോചിച്ച് തീരുമാനം എടുക്കുമെന്നും അദ്ദേഹം കൂട്ടിച്ചേര്ത്തു.
പൗരത്വ നിയമത്തിനെതിരെ സിപിഎമ്മും കോണ്ഗ്രസ്സും തീവ്രവാദ സംഘടനകളും നടത്തുന്ന കള്ളപ്രചരണത്തിനെതിരെ സംസ്ഥാന വ്യപകമായ പ്രചണം നടത്തുമെന്നും കൃഷ്ണദാസ് പറഞ്ഞു. ഈമാസം 28,29,30 തീയതികളില് ജില്ലാകേന്ദ്രങ്ങളില് പടുകൂറ്റന് റാലിസംഘടിപ്പിക്കും. ജനുവരി മൂന്നുമുതല് 10 വരെ പ്രവര്ത്തകര് വീടുകള്തോറും എത്തി പൗരത്വബില്ലിനെകുറിച്ച് ജനങ്ങളെ ബോധ്യപ്പെടുത്തുമെന്നും അദ്ദേഹം പറഞ്ഞു.
