കണ്ണൂര്: സന്ദര്ശന ലക്ഷ്യങ്ങള് പൂര്ത്തികരിച്ച ശേഷമെ കേരളം വിടൂവെന്ന് കര്ണാടക മുഖ്യമന്ത്രി ബി എസ് യെദിയൂരപ്പ. സംസ്ഥാനത്ത് വിവിധ ഇടങ്ങളില് നടന്ന പ്രതിഷേധത്തെ തുടര്ന്ന് കേരള സന്ദര്ശനം വെട്ടിച്ചുരുക്കുമെന്നുള്ള വാര്ത്തകളെല്ലാം അദേഹത്തിന്റെ സുരക്ഷാ ഉദ്യോഗസ്ഥര് തള്ളി. അല്പസമയത്തിനുള്ളില് തളിപ്പറമ്പ് ക്ഷേത്രത്തില് യെദിയൂരപ്പ സന്ദര്ശനം നടത്തും.
കണ്ണൂരില് ക്ഷേത്ര ദര്ശനത്തിനെത്തിയ തനിക്കെതിരേ നടന്ന ആക്രമണം ആസൂത്രിതമാണെന്ന് ബിഎസ്.യെദ്യൂരപ്പ വ്യക്തമാക്കി. ചിലരുടെ ദുഷ്പ്രവൃത്തികള്ക്ക് കേരളയീരെ ആകെ കുറ്റം പറയരുത്. ഇത്തരത്തിലുള്ള പ്രതിഷേധങ്ങളും സാമൂഹിക വിരുദ്ധ പ്രവര്ത്തനങ്ങളും ദൈവത്തിന്റെ സ്വന്തം നാടായ കേരളത്തിന്റെ യശസ് ഇല്ലാതാക്കുമെന്നും ട്വിറ്ററില് യെദ്യൂരപ്പ കുറിച്ചു. അതേസമയം, യെദ്യൂരപ്പയെ തടഞ്ഞ സംഭവത്തില് 23 പേരെ പോലീസ് കസ്റ്റഡിയില് എടുത്തിട്ടുണ്ട്. എസ്എഫ്ഐ- യൂത്ത് കോണ്ഗ്രസ് പ്രവര്ത്തകരാണ് കസ്റ്റഡിയിലായത്.
കണ്ണൂര് മാടായിക്കാവ് തിരുവര്ക്കാട്ട് ഭഗവതി ക്ഷേത്രത്തില് ദര്ശനത്തിനെത്തിയ സമയത്താണ് ഡിവൈഎഫ്ഐ പ്രവര്ത്തകര് യെദിയൂരപ്പയുടെ വാഹനവ്യൂഹത്തിന് നേരെ ആക്രമണം നടത്തിയത്. യെദ്യൂരപ്പ സഞ്ചരിച്ച വാഹനത്തിനെ നേരെ ഡിവൈഎഫ്ഐ പ്രവര്ത്തകര് കൈകൊണ്ടും വടികൊണ്ടും അടിച്ചു. തുടര്ന്ന് ്രൈഡവര് വാഹനം മുന്നോട്ട് എടുത്തതോടെ ഇവര് കൈയിലിരുന്ന വടികൊണ്ട് വാഹനത്തെ തല്ലുകയായിരുന്നു. കര്ണാടക മുഖ്യമന്ത്രിക്ക് കേരളത്തില് വേണ്ടത്ര സുരക്ഷ ഒരുക്കിയില്ലെന്നും ആരോപണമുണ്ട്.
ഡിവൈഎഫ്ഐയുടെ കൊടികെട്ടിയ വലിയ വടികള് ശ്രദ്ധയില്പ്പെട്ടിട്ടും പോലീസ് കണ്ടില്ലെന്ന് നടിക്കുകയായിരുന്നു. അക്രമ സാധ്യതയുണ്ടായിട്ടും കേരള പോലീസ് ആവശ്യമായ സുരക്ഷ ഒരുക്കിയില്ലന്ന് ബിജെപി പറഞ്ഞു. വന് സുരക്ഷാ വിഴ്ചയാണ് ഉണ്ടായത്. നാമമാത്രമായ പോലീസ് മാത്രമേ അകമ്പടിയായുണ്ടായിരുന്നുള്ളു. നേരത്തെ പഴവങ്ങാടിയിലും ഡി വൈ എഫ് ഐ പ്രവര്ത്തകരും യൂത്ത് കോണ്ഗ്രസ് പ്രവര്ത്തകരും കര്ണ്ണാടക മുഖ്യമന്ത്രിയ്ക്ക് നേരെ കരിങ്കൊടികാണിച്ചു. ഗുരുവായൂര് ക്ഷേത്ര ദര്ശനത്തിനെത്തിയ യെദ്യൂരപ്പയ്ക്കെതിരെ കരിങ്കൊടി കാണിച്ച യൂത്ത് കോണ്ഗ്രസ് പ്രവര്ത്തകരെ പോലീസ് അറസ്റ്റ് ചെയ്തിരുന്നു.
