തിരുവനന്തപുരം: മഹാത്മാ ഗാന്ധിയും ജവഹര്ലാല് നെഹ്റുവും രാജ്യത്തിന് നല്കിയ വാഗ്ദാനമാണ് പൗരത്വ ഭേദഗതി നിയമത്തിലൂടെ കേന്ദ്രസര്ക്കാര് പാലിച്ചതെന്ന് ഗവര്ണര് ആരിഫ് മുഹമ്മദ് ഖാന്.
1985ലും 2003ലും ആണ് പൗരത്വ നിയമത്തിന് അടിസ്ഥാനമിട്ടത്. ഈ സര്ക്കാര് അതിന് നിയമപരമായ രൂപം നല്കുകയാണ് ചെയ്തത്. ഗവര്ണര് വാര്ത്താ ഏജന്സിക്ക് നല്കിയ അഭിമുഖത്തില് പറഞ്ഞു. പാക്കിസ്ഥാനില് ദയനീയ ജീവിതം നയിച്ചവര്ക്ക് നല്കിയ വാഗ്ദാനം ആയിരുന്നു ഈ പൗരത്വം. അതാണിപ്പോള് കേന്ദ്ര സര്ക്കാര് നിയമമാക്കിയത്.
ഇന്ത്യയിലെ അഭയാര്ത്ഥികള്ക്ക് പൗരത്വം നല്കാമെന്ന് ഗാന്ധിയും നെഹ്റുവും നല്കിയ വാഗ്ദാനമാണ് മോദി സര്ക്കാര് പാലിച്ചതെന്നും അദ്ദേഹം പറഞ്ഞു. പാക്കിസ്ഥാന് രൂപീകരിച്ചത് തന്നെ ഇസ്ലാമിക രാജ്യമായാണ്. അവിടെ എങ്ങിനെയാണ് മുസ്ലീങ്ങള് മതപരമായ വിവേചനവും പീഡനവും അനുഭവിക്കുന്നത്. അത്തരത്തില് എന്തെങ്കിലും ഇതുവരെ റിപ്പോര്ട്ട് ചെയ്തിട്ടുണ്ടോയെന്നും അദ്ദേഹം ചോദിച്ചു. പാക്കിസ്ഥാന്, ബംഗ്ലാദേശ് എന്നിവിടങ്ങളില് നിന്ന് മുസ്ലീങ്ങള് ഇന്ത്യയിലേക്ക് അഭയാര്ത്ഥികളായി എത്തിയത് അവര് അവിടെ പീഡിപ്പിക്കപ്പെട്ടതുകൊണ്ടല്ല. മറിച്ച് തൊഴിലും മെച്ചപ്പെട്ട സാമ്പത്തിക അവസരങ്ങളും തേടിയാണ് അവര് ഇന്ത്യയിലേക്ക് വന്നത്. അദ്ദേഹം പറഞ്ഞു.
