തുറവൂര്: ആര്എസ്എസ് ആലപ്പുഴ സംഘ ജില്ലാ പ്രാഥമിക ശിക്ഷാ വര്ഗ് തുറവൂര് ടിഡി സ്കൂളില് ആരംഭിച്ചു. ടിഡി ദേവസ്വം മാനേജര് എച്ച്. പ്രേംകുമാര് ഉദ്ഘാടനം ചെയ്തു. വര്ഗ് അധികാരി ഡോ.വി. സജ്ജയ് കുമാര് അധ്യക്ഷനായി. പ്രാന്തീയ പ്രചാരക് പ്രമുഖ് എ.എന്. കൃഷ്ണന് മുഖ്യപ്രഭാഷണം നടത്തി, ക്ഷേത്രിയ പ്രചാരക് പ്രമുഖ് പി.ആര്. ശശിധരന്, വിഭാഗ് ബൗദ്ധിക് ശിക്ഷണ് പ്രമുഖ് കെ.ജി. സന്തോഷ്കുമാര് എന്നിവര് പങ്കെടുത്തു. ക്യാമ്പില് 194 ശിക്ഷാര്ത്ഥികള് ഉണ്ട്.
ചെങ്ങന്നൂര് സംഘ ജില്ലാ പ്രാഥമിക ശിക്ഷാ വര്ഗ് മാവേലിക്കര ശ്രീ വിദ്യാധിരാജ വിദ്യാപീഠം സെന്ട്രല് സ്കൂളില് ആരംഭിച്ചു. സ്വാമി സത്സ്വരൂപാനന്ദ ഭദ്രദീപം തെളിയിച്ചു. ക്ലശങ്ങളേയും തടശങ്ങളെയും തരണം ചെയ്ത് ലക്ഷ്യസ്ഥാനത്തേക്ക് ആത്മവിശ്വാസത്തോടെ മുന്നേറാന് സംഘ പ്രവര്ത്തനത്തിലൂടെ നമുക്ക് കഴിയുമെന്ന് സ്വാമി പറഞ്ഞു. പ്രാന്ത ശാരീരിക് ശിക്ഷണ് പ്രമുഖ് വി. ഉണ്ണികൃഷ്ണന് പ്രഭാഷണം നടത്തി. നമ്മുടെ സമാജത്തിന് കേവലം വിദ്യാഭ്യാസം മാത്രം പോരാ മൂല്യ ബോധമുളള, സംസ്കാര ബോധമുളള തിരിച്ചറിവ് നേടാന് കഴിയുന്ന ശരിയായ വിദ്യാഭ്യാസമാണ് വേണ്ടതെന്നും അങ്ങനെയുള്ള അനൗപചാരിക വിദ്യാഭ്യാസ പദ്ധതിയാണ് നമുക്ക് സംഘത്തില് കൂടി ലഭിക്കുന്നതെന്നും അദ്ദേഹം പറഞ്ഞു.
