കോഴിക്കോട്: പൗരത്വ ഭേദഗതി നിയമത്തെ പിന്തുണച്ച് കോഴിക്കോട്ട് മാധ്യമപ്രവര്ത്തകരുടെ പ്രകടനം. കാലിക്കറ്റ് പ്രസ് ക്ലബ് പരിസരത്ത് നിന്നാരംഭിച്ച പ്രകടനം നഗരം ചുറ്റി കിഡ്സണ് കോര്ണറില് സമാപിച്ചു. ജനങ്ങളെ തെറ്റിദ്ധരിപ്പിച്ച് കേന്ദ്രസര്ക്കാരിനും നിയമത്തിനും എതിരാക്കാനുള്ള ഗൂഢനീക്കങ്ങളാണ് നടക്കുന്നതെന്ന് സമാപനചടങ്ങില് സംസാരിച്ച ജന്മഭൂമി ഡെപ്യൂട്ടി എഡിറ്റര് കെ. മോഹന്ദാസ് അഭിപ്രായപ്പെട്ടു.
ജനങ്ങളെ ബോധവാന്മാരേക്കണ്ടവര് തന്നെ തെറ്റിദ്ധാരണ പരത്തുകയാണ്. നിയമത്തെക്കുറിച്ച് സത്യസന്ധമായ കാര്യങ്ങള് ജനങ്ങളിലേക്ക് എത്തിക്കണമെന്നും അദ്ദേഹം കൂട്ടിച്ചേര്ത്തു. ഭാരതത്തിലെ ഒരു പൗരനെയും ബാധിക്കാത്ത നിയമത്തിനെതിരെയാണ് ഇപ്പോള് പ്രതിഷേധങ്ങള് നടക്കുന്നതെന്ന് കേസരി സഹപത്രാധിപര് ടി. വിജയന് അഭിപ്രായപ്പെട്ടു. പ്രതിഷേധങ്ങള് വഴിതിരിച്ചുവിട്ട് കലാപം സൃഷ്ടിക്കാനുള്ള ആസൂത്രിത നീക്കങ്ങളാണ് ചിലര് നടത്തുന്നതെന്നും അദ്ദേഹം കൂട്ടിച്ചേര്ത്തു. കാലിക്കറ്റ് പ്രസ്ക്ലബ് മുന് വൈസ് പ്രസിഡന്റ് ടി.എച്ച്. വത്സരാജ് അധ്യക്ഷനായി. എം. ബാലകൃഷ്ണന്, എം.കെ. രമേഷ് കുമാര്, പി. ഷിമിത്ത്, ടി. സുധീഷ്, സി. സിന്ധു, ജി. സിനുജി, ഷാജി തുടങ്ങിയവര് നേതൃത്വം നല്കി.
