ന്യൂദല്ഹി : പൗരത്വ നിയമഭേദഗതിക്കെതിരെ ഏഷ്യാനെറ്റ് ന്യൂസ് പുറത്തുവിട്ട എല്ലാ വാര്ത്തകളെ തള്ളി ഉടമ രാജീവ് ചന്ദ്രശേഖര് എംപി. ചാനല് ഇതുവരെ പുറത്തുവിട്ട വാര്ത്തളെല്ലാം തെറ്റായ പ്രചാരണമാണെന്ന വിധത്തിലാണ് രാജീവ് ചന്ദ്രശേഖര് പറയുന്നത്. പൗരത്വ ഭേദഗതി നിയമം ആരുടേയും അവകാശങ്ങള് അപഹരിക്കുന്നില്ലെന്നും ഇതില് വ്യക്തമാക്കുന്നുണ്ട്.
ജനങ്ങളുടെ എല്ലാ സംശയങ്ങള്ക്കും ആശങ്കകള്ക്കും മറുപടിയുമായി രാജീവ് ചന്ദ്രശേഖര് എംപി പുറത്തുവിട്ട വീഡിയോയിലാണ് ഇക്കാര്യം വ്യക്തമാക്കുന്നത്. ബില് ഒരു തരത്തിലും ഇന്ത്യന് പൗരന്മാരെ ബാധിക്കില്ല. മൂന്ന് ഇസ്ലാമിക രാജ്യങ്ങളിലെ പാക്കിസ്ഥാന്, ബംഗ്ലാദേശ്, അഫ്ഗാനിസ്ഥാന് എന്നിവിടങ്ങളിലെ മതന്യൂനപക്ഷങ്ങളെ സഹായിക്കാന് ഒരു ശ്രമം മാത്രമാണ് ഈ ഭേദഗതി കൊണ്ടുവന്നിട്ടുള്ളത്.
ന്യൂനപക്ഷ സമുദായമായതിനാല് സ്വന്തം രാജ്യത്ത് വര്ഷങ്ങളോളം വേട്ടയാടപെട്ട് വന്നവരാണ് ഇവര്. മതത്തിന്റെ പേരില് കൊന്നൊടുക്കപ്പെടുന്നവരാണ്. നരകജീവിതം നയിച്ചിരുന്നവരാണ്. ഇത് അസഹ്യമായതോടെയാണ് അവരില് പലരും നാടുവിട്ടോടി വന്ന് നമ്മുടെ നാട്ടില് അഭയാര്ഥികളായി കഴിയുന്നത്.
കഴിഞ്ഞ കുറെ പതിറ്റാണ്ടുകളായി അവരുടെ അവസ്ഥ വളരെ പരിതാപകരമാണ്. ഈ നിയമം അവര്ക്ക് ഒരു ഭാവി വാഗ്ദാനം ചെയ്യുക മാത്രമാണുള്ളതെന്നും രാജീവ് ചന്ദ്രശേഖര് പറയുന്നുണ്ട്. ഈ ബില് മേല്പ്പറഞ്ഞ മൂന്നു രാജ്യങ്ങളില് നിന്നുള്ള ന്യൂനപക്ഷങ്ങളെ മാത്രം ഉദ്ദേശിച്ചുള്ളതാണ്. അതും, മതത്തിന്റെ പേരിലുള്ള വേട്ടയാടല് കാരണം പലായനം ചെയ്തുവന്നവരെ. മുസ്ലിങ്ങള് എങ്ങനെയാണ് ഒരു ഇസ്ലാമിക രാജ്യത്ത് മത ന്യൂനപക്ഷമാകുക. മതത്തിന്റെ പേരിലുള്ള ചൂഷണങ്ങള് നേരിടുക. അവര്ക്ക് മറ്റുതരത്തിലുള്ള വേട്ടയാടലുകള് നേരിടേണ്ടി വരുന്നുണ്ടാകാം. അത് വേറെ കാര്യം. പക്ഷേ, ഈ ബില് മതപരമായ വേട്ടയാടലില് നിന്നുള്ള സംരക്ഷണം ഉദ്ദേശിച്ചു മാത്രം ഉള്ളതാണെന്നുമ രാജീവ് ചന്ദ്രശേഖര് കൂട്ടിച്ചേര്ത്തു.
