തിരുവനന്തപുരം: സര്ക്കാര് ജീവനക്കാര്ക്ക് ഒരു കൊല്ലത്തേക്ക് അനുവദിച്ചിരിക്കുന്ന കാഷ്വല് അവധിയില് മിച്ചമുള്ളവ മുഴുവന് ഡിസംബറില് എടുക്കുന്നത് കാരണം ഡിസംബറില് സര്ക്കാര് ഓഫീസുകളുടെ പ്രവര്ത്തനം താളം തെറ്റുന്നതിനെതിരെ സംസ്ഥാന മനുഷ്യാവകാശ കമ്മീഷന്.
ചീഫ് സെക്രട്ടറി വിഷയം പരിശോധിച്ച് നാലാഴ്ചയ്ക്കകം റിപ്പോര്ട്ട് സമര്പ്പിക്കണമെന്ന് കമ്മീഷന് അധ്യക്ഷന് ജസ്റ്റിസ് ആന്റണി ഡൊമിനിക് ആവശ്യപ്പെട്ടു. സെക്രട്ടേറിയറ്റ് ഉള്പ്പെടെ സംസ്ഥാനത്തെ വിവിധ സര്ക്കാര് ഓഫീസുകളില് ഡിസംബറില് ഹര്ത്താലിന്റെ പ്രതീതിയാണെന്ന് വഴുതയ്ക്കാട് അജിത്കുമാര് സമര്പ്പിച്ച പരാതിയില് പറയുന്നു. പാവപ്പെട്ടവരുടെ ക്ഷേമ പെന്ഷന്റെയും ചികിത്സാസഹായത്തിന്റെയും ഫയലുകള് പോലും ജീവനക്കാരുടെ അഭാവം കാരണം വൈകുന്നു. ഡിസംബറില് ഒരാഴ്ചവരെ അവധിയെടുക്കുന്ന ഉദേ്യാഗസ്ഥരുണ്ടെന്ന് പരാതിയില് പറയുന്നു.
