കാസര്കോട്: ഹര്ത്താലിന്റെ മറവില് മുസ്ലിം മതതീവ്രവാദികള് കാസര്കോട് ജില്ലയില് പരക്കെ അഴിഞ്ഞാടി. ബിജപി തൃക്കരിപ്പൂര് മണ്ഡലം കമ്മറ്റി ഓഫീസ് അടിച്ചു തകര്ത്തു. തൃക്കരിപ്പൂരിലെ മാരാര്ജി മന്ദിരമാണ് തകര്ത്തത്. ഓഫീസിന്റെ വാതില് തകര്ത്ത് അകത്ത് കയറിയ സംഘം കസേരകള് അടിച്ച് തകര്ക്കുകയും കൊടികളും ഓഫീസ് രേഖകളും ടിവിയും മറ്റും നശിപ്പിക്കുകയും ചെയ്തു.
മീന് ലോറികള് ഉള്പ്പെടെ തടഞ്ഞ് കാസര്കോട് നഗരത്തില് അഴിഞ്ഞാടിയ ഹര്ത്താല് അനുകൂലികളെ കസ്റ്റഡിയിലടുക്കാന് ശ്രമിക്കുന്നതിനിടെ കാസര്കോട് ടൗണ് സിഐ അബ്ദുല്റഹീമിനെ ആക്രമിച്ച കേസില് ഒരാളെ കസ്റ്റഡിയിലെടുക്കുകയും 75 പേര്ക്കെതിരെ ജാമ്യമില്ലാ വകുപ്പ് പ്രകാരം കേസെടുക്കുകയും ചെയ്തു. പോലീസ് സംരക്ഷണത്തോടെ മംഗലാപുരം, കാഞ്ഞങ്ങാട് ഭാഗങ്ങളിലേക്ക് കെഎസ്ആര്ടിസി ബസുകള് സര്വ്വീസ് നടത്തി.
