കോഴിക്കോട്: പൗരത്വ ഭേദഗതി വിഷയത്തിനെതിരെ തീവ്രമുസ്ലീം സംഘടനകള് ആഹ്വാനം ചെയ്ത ഹര്ത്താലിനോട് വ്യാപാരി വ്യവസായി എകോപന സമിതി സഹകരിക്കില്ലെന്നും കടകള് അടക്കില്ലെന്നും പറഞ്ഞ സംസ്ഥാന നേതാവിന്റെ കടകള് അടച്ചനിലയില്.
ബലമായി കടകള് അടപ്പിച്ചാല് വ്യാപാരി യുവജന വിഭാഗത്തെ ഉപയോഗിച്ച് പ്രതിരോധിക്കുമെന്ന് വ്യക്തമാക്കിയ സംസ്ഥാന പ്രസിഡന്റ് ടി.നസറുദ്ദീന്റെ ഉടമസ്ഥയിലുള്ള മിഠായി തെരുവിലെ കടകളാണ് ഹര്ത്താല് ദിനത്തില് അടച്ചിട്ടിരിക്കുന്ന നിലയില് കണ്ടെത്തിയത്. കോഴിക്കോട്ടെ മിഠായി തെരുവിലെ ഒറ്റപ്പെട്ട ചുരുക്കം ചില കടകള് തുറന്ന് പ്രവര്ത്തിച്ചത് ഒഴിച്ചാല് ഭൂരിഭാഗം കടകളും അടഞ്ഞ് കിടക്കുകയായിരുന്നു.
എന്നാല്, കടകള് തുറക്കാത്തത് ജോലിക്കാര് ഹര്ത്താല് അവധി ആഘോഷിക്കാന് പോയതിനാലാണെന്നാണ് ടി.നസുറുദ്ദിന്റെ മറുപടി. കഴിഞ്ഞ ഹര്ത്താല് ദിനത്തില് മിഠായി തെരുവിലെ കടകള് തുറന്നത് സംഘര്ഷത്തിന് ഇടയാക്കിയിരുന്നു. ഇതില് പേടിച്ചാണ് സംസ്ഥാന പ്രസിഡന്റ് സ്വന്തം കടപോലും തുറക്കാത്തെന്നും ആക്ഷേപമുണ്ട്.
