ന്യൂദല്ഹി : പൗരത്വ ബില്ലിനെതിര നടന്ന പ്രതിഷേധങ്ങളില് ബസുകള്ക്ക് തീയിട്ടത് ദല്ഹി പോലീസാണെന്ന എഎപിയുടെ വാദം വ്യാജ പ്രചാരണം. ദല്ഹിയില് കഴിഞ്ഞ ദിവസം അരങ്ങേറിയ അക്രമ സംഭവങ്ങള്ക്കു പിന്നില് പോലീസ് ആണെന്നും സര്ക്കാര് വാഹനങ്ങള് തീയിട്ടത് ്വകാണെന്നുമാണ് എഎപി ഉള്പ്പടെയുള്ള പ്രതിപക്ഷ പാര്ട്ടികള് കഴിഞ്ഞ ദിവസങ്ങളില് നടത്തിയ പ്രചാരണം.
ഇതെല്ലാം തെറ്റായ പ്രചാരണങ്ങള് ആണെന്ന് ദേശീയ മാധ്യമങ്ങളും റിപ്പോര്ട്ട് ചെയ്തിട്ടുണ്ട്. പോലീസ് മനഃപൂര്വ്വം ബസിനു തീയിട്ടുവെന്നും പെട്രോള് ഒഴിച്ചുവെന്നും എഎപി നേതാവും ദല്ഹി ഉപമുഖ്യമന്ത്രിയുമായ മനീഷ് സിസോദിയ വാര്ത്ത പുറത്തുവിട്ടിരുവന്നു. ഇത് നവമാധ്യമങ്ങള് ഏറ്റെടുക്കുകയും ചെയ്തിരുന്നു.
എന്നാല് കയ്യില് ഉണ്ടായിരുന്നത് വെള്ളം ആയിരുന്നെന്നും തീ അണക്കാന് ശ്രമിച്ചതെന്നുമാണ് പോലീസ് മറുപടി നല്കിയിരിക്കുന്നത്. അക്രമകാരികള് തീവെക്കുന്ന വീഡിയോ തങ്ങളുടെ പക്കല് ഉണ്ട്. തീകെടത്തുന്നതിനായി സമീപവാസികള് നല്കിയ വെള്ളം ഒഴിക്കുക മാത്രമാണ് ചെയ്തതെന്നും പോലീസ് വ്യക്തമാക്കി. പ്രമുഖ മാധ്യമ പ്രവര്ത്തകന് രാജ്ദീപ് സര്ദേശായിയും ഇത് ശരിവെച്ചിട്ടുണ്ട്.
ട്വിറ്ററിലൂടെയാണ് അദ്ദേഹം മറുപടി നല്കിയിരിക്കുന്നത്. മറ്റൊരു വ്യാജ വാര്ത്ത കൂടി പൊളിഞ്ഞിരിക്കുന്നു. പോലീസ് ബസുകള് കത്തിക്കുന്നു എന്നത് വ്യാജമാണെന്ന് ദൃക്സാക്ഷികള് അവകാശപ്പെടുന്നു. ഇത് ചെയ്തത് ‘പുറത്തുനിന്നുള്ളവര്’ ആണ്, വീഡിയോയില് കാണിക്കുന്ന കാനിസ്റ്ററുകളില് പ്രദേശവാസികള് നല്കിയ വെള്ളമുണ്ട്, പെട്രോളല്ല. എന്നും ഇവര് പറയുന്നു.
