കൊല്ക്കത്ത: പൗരത്വ ഭേദഗതി നിയമത്തിനെതിടെ പശ്ചിമ ബംഗാളില് നടക്കുന്ന അക്രമത്തിന്റെ ഞെട്ടിക്കുന്ന വീഡിയോകള് പുറത്ത്.മാല്ഡ ജില്ലയില് കുട്ടികള് അടക്കമുള്ള അക്രമികള് തെരുവില് ഇറങ്ങി വാഹനങ്ങള് തകര്ക്കുകയും ട്രെയിനുകള് തീയിടുകയും ചെയ്യുന്ന വീഡിയോകളാണ് ഇപ്പോള് പുറത്തു വന്നിരിക്കുന്നത്. എന്തിനാണ് പ്രതിഷേധം എന്നുപോലും അറിയാത്ത കൗമാരക്കാരായ കുട്ടികള് യാത്രക്കാര് നിറഞ്ഞ ട്രെയിനിനെ ആക്രമിക്കുന്ന വീഡിയോയാണ് ഇപ്പോള് സാമൂഹിക മാധ്യമങ്ങളില് പരക്കുന്നത്. കൗമാരക്കാരായ ആണ്കുട്ടികള് കല്ലും വടിയും ഉപയോഗിച്ച് ട്രെയിന്റെ ചില്ലുകള് തകര്ക്കുകയും യാത്രകാരെ ആക്രമിക്കുകയുമാണ്. മാള്ഡ ജില്ലയിലെ ഹരിചന്ദ്രപുര് സ്റ്റേഷനിലാണ് സംഭവം. ആക്രമത്തില് പാസഞ്ചര് ട്രെയിനിന്റെ ലോക്കോ പൈലറ്റിനും പരിക്കേറ്റു. നോര്ത്ത് ഈസ്റ്റ് ഫ്രോണ്ടിയര് റെയില്വേ തന്റെ ട്വിറ്റര് അക്കൗണ്ട് വഴി ഈ സംഭവം സ്ഥിരീകരിച്ചിട്ടുണ്ട്. കഴിഞ്ഞ രണ്ട് ദിവസമായി നടക്കുന്ന അക്രമാസക്തമായ പ്രതിഷേധത്തില് അഞ്ചു തീവണ്ടികളും 15 ഓളം ബസുകളും സമരാനുകൂലികള് അഗ്നിക്കിരയാക്കി. പ്രതിഷേധം നിയന്ത്രിക്കാനാവാതായതോടെ അഭ്യര്ത്ഥനയുമായി മുഖ്യമന്ത്രി മമത ബാനര്ജി രംഗത്തെത്തി.
പ്രതിഷേധം തുടരുന്ന സാഹചര്യത്തില് കേരളത്തിലേക്കുള്ള ട്രെയിനുകള് റദ്ദാക്കി. ബംഗാളിലെ ഹൗറയില് നിന്നും എറണാകുളത്തേക്കുള്ള ഹൗറ എക്സ്പ്രസ് റദ്ദാക്കി. 17-ാം തിയതി ഹൗറയിലേക്ക് പോകേണ്ട എറണാകുളം-ഹൗറ എക്സ്പ്രസ് റദ്ദാക്കിയിട്ടുണ്ട്. വടക്കന് 24 പര്ഗാന, നാദിയ ജില്ലകളിലെ അംദംഗ, കല്യാണി പ്രദേശങ്ങളില് പ്രക്ഷോഭകര് വിവിധ പാതകള് തടഞ്ഞു, തെരുവുകള് തീയിട്ടു. ദേഗംഗ പ്രദേശത്ത് കടകളും കൊള്ളയടിക്കുകയും വഴിമുടക്കാന് ടയറുകള് കത്തിക്കുകയും ചെയ്തു.
നാദിയയില്, പ്രകടനക്കാര് കല്യാണി എക്സ്പ്രസ് ഹൈവേ തടഞ്ഞത്തിനു പുറമെ ഹൗറ ജില്ലയിലെ ഡോംജൂര് പ്രദേശത്ത്, ബര്ദ്വാന്, ബിര്ഭം എന്നിവിടങ്ങളില് നിന്നും സമാനമായ പ്രതിഷേധം റിപ്പോര്ട്ട് ചെയ്ത്തിട്ടുണ്ട്. പ്രക്ഷോഭകര് റാലികള് നടത്തുകയും നരേന്ദ്ര മോദി സര്ക്കാരിനെതിരെ മുദ്രാവാക്യം വിളിക്കുകയും ചെയ്തു.
