കൊച്ചി: നിര്മാതാക്കള്ക്കെതിരായ പ്രസ്താവനയില് ക്ഷമ ചോദിച്ച് നടന് ഷെയ്ന് നിഗം. ഐഎഫ്എഫ്കെ വേദിയില് പറഞ്ഞത് തെറ്റിദ്ധരിക്കപ്പെട്ടതാണെന്നും ഷെയ്ന് പറഞ്ഞു. ദൃശ്യ മാധ്യമ സുഹൃത്തുക്കള് നിര്മ്മാതാക്കള്ക്ക് മനോവിഷമം ഉണ്ടോ എന്ന ചോദ്യത്തിന് മനോവിഷമം ആണോ മനോരോഗം ആണോ എന്ന് ചോദിച്ചത് സത്യമാണ്. താന് പറഞ്ഞ വാക്കുകള് ആരെയെങ്കിലും വേദനിപ്പിച്ചെങ്കില് ക്ഷമ ചോദിക്കുന്നെന്നും ഷെയ്ന് പറഞ്ഞു.
ഷെയ്നിന്റെ ഫേസ്ബുക്ക് പോസ്റ്റ്
കഴിഞ്ഞ ദിവസം തിരുവനന്തപുരത്ത് കഎഎഗ വേദിയില് ഞാന് നടത്തിയ പ്രസ്താവന വലിയതോതില് തെറ്റിദ്ധരിക്കപ്പെട്ടു. നിര്മ്മാതാക്കളുടെ സംഘടനയിലെ മുഴുവന് അംഗങ്ങള്ക്കും മനോരോഗം ഉണ്ടെന്ന് പറഞ്ഞു എന്നതാണ് വാര്ത്തകളില് വന്നത്. ദൃശ്യ മാധ്യമ സുഹൃത്തുക്കള് നിര്മ്മാതാക്കള്ക്ക് മനോവിഷമം ഉണ്ടോ എന്ന ചോദ്യത്തിന് മനോവിഷമം ആണോ മനോരോഗം ആണോ എന്ന് ചോദിച്ചത് സത്യമാണ്. ഞാനെന്റെ രീതിയിലുള്ള ചിരിച്ചുകൊണ്ടുള്ള മറുപടി മാത്രമാണ് നല്കിയത്. ഞാന് പറഞ്ഞ ആ വാക്കില് ആര്ക്കെങ്കിലും വിഷമം ഉണ്ടെങ്കില് ക്ഷമാപണം നടത്തുന്നു… എന്നെക്കുറിച്ച് ഇതിനുമുമ്പ് പറഞ്ഞ വാക്കുകളൊന്നും ഞാനും പൊതുസമൂഹവും മറന്നിട്ടുണ്ടാകില്ല എന്നാണ് എന്റെ വിശ്വാസം. അന്ന് ഞാനും ക്ഷമിച്ച് താണ്. അതുപോലെ ഇതും ക്ഷമിക്കും എന്ന പ്രതീക്ഷയിലാണ് ഞാന്. ക്ഷമയാണ് എല്ലാത്തിനും വലുത് എന്ന് വിശ്വസിക്കുന്നു. ഞാന്ആരാധിക്കുന്ന എന്റെ ദൈവവും ഞാന് വിശ്വസിക്കുന്ന എന്റെ സംഘടനയും എന്നും എന്റെ കൂടെ ഉണ്ടാകും എന്ന് പ്രതീക്ഷിക്കുന്നു. നമുക്ക് ക്ഷമയുടെ പാതയിലൂടെ പോകാം
