ന്യൂദല്ഹി: ഇന്ത്യന് സൈന്യത്തിനെതിരെ മതവിദ്വേഷം വളര്ത്തുന്നതായിരുന്നു ഷെഹ്ല റാഷിദിന്റെ ട്വീറ്റ് ഷെയര് ചെയ്യണമെന്ന ആഹ്വാനവുമായി കണ്ണന് ഗോപിനാഥന്. ഇതിലൂടെ രാജ്യദ്രോഹത്തിനാണ് ഐഎഎസ് ഉദ്യോഗസ്ഥനായിരുന്ന മലയാളി ആഹ്വാനം ചെയ്തിരിക്കുന്നത്.
രാജ്യദ്രോഹക്കുറ്റത്തിനു പോലീസ് കേസെടുത്ത ഷെഹ്ല റാഷിദിന്റെ ട്വീറ്റ് 1000 പേര് ഷെയര് ചെയ്യണമെന്നായിരുന്നു ആഹ്വാനം. ഇന്ത്യന് സൈന്യത്തിനെതിരെ മതവിദ്വേഷം വളര്ത്തുന്നതായിരുന്നു ഷെഹ്ല റാഷിദിന്റെ ട്വീറ്റ്. ജമ്മു കശ്മീരില് സൈന്യം മനുഷ്യാവകാശ ലംഘനം നടത്തുന്നുവെന്നും, കശ്മീരില് സൈന്യം ബിജെപിയുടെ അജണ്ട നടപ്പാക്കുകയാണെന്നും ഷെഹ്ല ആരോപിച്ചിരുന്നു.
‘സായുധ സേന രാത്രി വീടുകളില് അതിക്രമിച്ച് കയറുന്നു, രാത്രി വീടുകളില് കയറി ആണ്കുട്ടികളെ പിടിച്ച് കൊണ്ട് പോകുന്നു. വീടുകള് കൊളളയടിക്കുന്നു. ഭക്ഷണ സാധനങ്ങള് ബോധപൂര്വ്വം തറയിലിട്ട് നശിപ്പിക്കുന്നു. അരിയില് എണ്ണ കലര്ത്തുന്നു’ എന്നായിരുന്നു സൈനികരെയും, രാജ്യത്തെ തന്നെയും അപമാനിക്കും വിധത്തിലുള്ള ഷെഹ്ലയുടെ ട്വീറ്റ് .
ഷെഹ്ല റാഷിദിന്റെ ആരോപണങ്ങള് ഏറ്റെടുത്തു വിദേശ മാധ്യമങ്ങള് ഉള്പ്പെടെ സൈന്യത്തിനെതിരെയും കേന്ദ്രസര്ക്കാരിനെതിരെയും തെറ്റായ പ്രചരണങ്ങള് അഴിച്ചുവിട്ടിരുന്നു. എന്നാല് ഷെഹ്ലയുടെ ആരോപണം വ്യാജമാണെന്ന് സൈന്യം വ്യക്തമാക്കിയിരുന്നു. തുടര്ന്ന് ഇന്ത്യന് ശിക്ഷാ നിയമം 124-എ, 153, 153എ എന്നീ വകുപ്പുകള് പ്രകാരമാണ് കേസെടുത്തത്.
