ഇസ്ലാമബാദ് : കര്താര്പൂര് ഇടനാഴി ഉദ്ഘാടനച്ചടങ്ങിലേക്ക് പാക്കിസ്ഥാന് പ്രധാനമന്ത്രി ഇമ്രാന് ഖാന് നല്കിയ ക്ഷണം കോണ്ഗ്രസ് നേതാവ് നവ്ജോത് സിങ് സിദ്ധു സ്വീകരിച്ചു. നവംബര് ഒമ്പതിനാണ് ഉദ്ഘാടനച്ചടങ്ങ്. പരിപാടിയിലേക്ക് ക്ഷണിച്ചതില് സിദ്ധു ഇമ്രാന് ഖാന് തിരിച്ച് നന്ദിയും അറിയിച്ചിട്ടുണ്ട്. പാക് തെഹ്രീക് ഇ ഇന്സാഫ് പുറത്തുവിട്ട പ്രസ്താവനയിലാണ് ഇക്കാര്യം അറിയിച്ചിരിക്കുന്നത്.
അതേസമയം സിദ്ധുവിന് കര്താര്പൂര് സന്ദര്ശിക്കാന് രാഷ്ട്രീയ അനുമതി തേടേണ്ടി വരുമെന്ന് വിദേശ കാര്യമന്ത്രാലയം അറിയിച്ചു. പാക്കിസ്ഥാനിലെ കര്താര്പൂര് ഇടനാഴി ഉദ്ഘാടനത്തിലേക്കുള്ള രാഷ്ട്രീയ നേതാക്കളും, പാക്കിസ്ഥാന് സര്ക്കാര് ക്ഷണിച്ചവരും രാഷ്ട്രീയ അനുമതി തേടേണ്ടി വരുമെന്നും വിദേശ മന്ത്രാലയ വക്താവ് രവീഷ് കുമാര് അറിയിച്ചു.
അനുമതി ലഭിച്ചെങ്കില് മാത്രമേ ഇവര്ക്ക് ചടങ്ങില് പങ്കെടുക്കാന് സാധിക്കൂ. കര്താര്പൂര് ഇടനാഴി സംബന്ധിച്ച് ഇരു രാജ്യങ്ങളും തമ്മിലുള്ള കരാര് പ്രകാരം ഇന്ത്യന് തീര്ത്ഥാടകരെ പാക്കിസ്ഥാനിലെ ഗുരുദ്വാര ദര്ബാര് സാഹിബിലേക്ക് വിസ ഇല്ലാതെ തന്നെ സന്ദര്ശനം നടത്താന് പാക് സര്ക്കാര് അനുമതി നല്കുന്നുണ്ട്.
