പാലക്കാട്: വാളയാറില് പ്രായപൂര്ത്തിയാകാത്ത സഹോദരിമാര് ലൈംഗിക പീഡനത്തിന് ഇരയായതിനു പിന്നാലെ ദുരൂഹ സാഹചര്യത്തില് തൂങ്ങിമരിച്ച നിലയില് കണ്ടെത്തിയ സംഭവത്തില് വിമര്ശനവുമായി ബിജെപി സംസ്ഥാന ജനറല് സെക്രട്ടറി കെ. സുരേന്ദ്രന്. വടക്കോട്ട് നോക്കി മെഴുകുതിരി കത്തിക്കുന്ന മുഖ്യമന്ത്രിയും ഫെമിനിസ്റ്റുകളും അര്ബന് നക്സലുകളും സാഹിത്യകാരന്മാരും മൗനം പാലിക്കുകയാണ്. കത്വ സംഭവത്തില് പത്ത് ട്വീറ്റുകള് നടത്തിയ മുഖ്യമന്ത്രിക്ക് വാളയാര് കേസില് ഒന്നും പറയാനില്ലെന്നും സുരേന്ദ്രന് വിമര്ശിച്ചു. സി.പി.എമ്മിന്റെ പാദസേവകരായ പോലീസിനെയും അഭിഭാഷകരേയും വച്ച് തെളിവ് നശിപ്പിച്ച് കേസ് അട്ടിമറിച്ചതാണ്. വാളയാറില് പെണ്കുട്ടികളുടെ വീട് സന്ദര്ശിച്ച ശേഷം സുരേന്ദ്രന് പ്രതികരിച്ചു. പാലക്കാട് നിന്നുള്ള നിയമമന്ത്രി കൂടിയായ എ.കെ ബാലന് ഇക്കാര്യത്തില് മൗനം തുടരുന്നത് എന്തുകൊണ്ടാണ്. എ.കെ ബാലന്റെ അനുയായികളാണ് കേസ് അട്ടിമറിക്കാന് സഹായം ചെയ്തത്. ബാലന് കൂട്ടുനിന്നു. പ്രദേശിക സിപിഎം നേതൃത്വവും കേസ് അട്ടിമറിക്കാന് സഹായിച്ചു. കേസുമായി ബന്ധപ്പെട്ട എല്ലാ തെളിവുകളും പോലീസിന് ലഭിച്ചതാണ്. ഉന്നതരായ പോലീസ് ഉദ്യോഗസ്ഥരെ വച്ച് കേസ് പുനരന്വേഷിക്കണം. രാജ്യത്ത് വിധി വന്നശേഷം പല കേസുകളും പുനരന്വേഷിച്ച ചരിത്രമുണ്ട്. അതിനു കഴിയില്ലെങ്കില് കേന്ദ്ര ഏജന്സിക്ക് വിടണമെന്നും സുരേന്ദ്രന് ആവശ്യപ്പെട്ടു.
വടക്കോട്ട് നോക്കി മെഴുകുതിരി കത്തിക്കുന്ന മുഖ്യമന്ത്രിയും ഫെമിനിസ്റ്റുകളും അര്ബന് നക്സലുകളും എവിടെ; വാളയാര് കേസില് വിമര്ശനവുമായി കെ. സുരേന്ദ്രന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.