രാമമംഗലം: ആരാധാനാലായം നഷ്ടപ്പെട്ട യാക്കോബായ വിശ്വാസികള്ക്ക് പള്ളിപണിയാന് സാധനങ്ങള് വിട്ടുനല്കി ക്ഷേത്ര ഭാരവാഹികള്. കോടതി വിധിയെത്തുടര്ന്ന് ആരാധനാലയം നഷ്ടപെട്ട മാമ്മലശ്ശേരി മോര് മിഖായേല് പള്ളിയിലെ യാക്കോബായ വിശ്വാസികള്ക്ക് ഇത്തരത്തില് പുതിയ പള്ളിക്കായി ക്ഷേത്രം സാധന സാമഗ്രികള് വിട്ടു നല്കിയത്.
വിശ്വാസികള് ചേര്ന്ന് വാങ്ങിയ ഒന്നരയേക്കര് സ്ഥലത്താണ് അടയ്ക്കാമരവും പനയോലയും ഉപയോഗിച്ച് താല്ക്കാലികമായി ആരാധനാലയം നിര്മ്മിച്ചത്. മോര് മിഖയേല് യാക്കോബായ എന്ന സുറിയാനി ട്രസ്റ്റിന് കീഴിലാണ് താല്ക്കാലികമായി പുതിയ പള്ളി നിര്മ്മിച്ചിരിക്കുന്നത്.
പള്ളിനിര്മ്മിക്കുന്നതിന് ആവശ്യമുള്ള ഓലയും മറ്റും മാമ്മലശ്ശേരി ശ്രീരാമ സ്വാമി ക്ഷേത്രത്തില് നിന്നാണെന്ന് വികാരി ഫാ.വര്ഗീസ് പുല്ല്യാട്ടേല് പറഞ്ഞു. കൂടാതെ വഴിയ്ക്കായി സ്ഥലം ഹൈന്ദവ കുടുംബം സൗജന്യമായി നല്കിയതായും അദ്ദേഹം അറിയിച്ചു.
കോടതി ഉത്തരവിനെ തുടര്ന്ന് പൂര്വികരായ ആരാധിച്ചുവന്നിരുന്ന മാമ്മലശ്ശരിപ്പള്ളിയില് നിന്നും 650 ഓളം വരുന്ന യാക്കോബായ വിശ്വാസികള് കണ്ണീരോടെയാണ് വര്ഷങ്ങള്ക്ക് മുമ്പ് ഇറങ്ങേണ്ടി വരുന്നു. ഇതിന്റെ അടിസ്ഥാനത്തില് വിശ്വാസികള് പണം സ്വരൂപിച്ച് വാങ്ങിയതാണ് ഈ ഒന്നരയേക്കര്.
മാമല്ലശ്ശരി പള്ളി വര്ഷങ്ങളായി റിസീവര് ഭരണത്തില് ആയിരുന്നെങ്കിലും ഇരുവിഭാഗവും ആരാധന നടത്തിയിരുന്നു. യാക്കോബായ സഭയ്ക്ക് രണ്ടും ഓര്ത്ത്ഡോക്സ് സഭയ്ക്ക് ഒന്നും വൈദികര് വീതമാണ് ഇവിടെ ആരാധനയ്ക്ക് നേതൃത്വം നല്കിയിരുന്നത്. എന്നാല് 1995 ലെ സുപ്രീം കോടതി വിധിക്ക് ശേഷം യാക്കോബായ സഭയിലെ രണ്ടു വൈദികര് ഓര്ത്ത്ഡോക്സ് സഭയിലേക്ക് കൂറുമാറിയതോടെയാണ് പള്ളിത്തര്ക്കം വീണ്ടും ഉടലെടുത്തത്.
തുടക്കമായത്. തുടര്ന്ന് ഇരുവിഭാഗങ്ങള് തമ്മില് നിരവധി സംഘര്ഷങ്ങള്ക്കാണ് പള്ളി വേദിയായത്. നിലവിലുണ്ടായിരുന്ന വൈദികര്ക്ക് പുറമെ 2011 ല് മറ്റുവൈദികരെ കൂടി പള്ളിയിലേക്ക് ഓര്ത്തഡോക്സ് വിഭാഗം നിയമിച്ചത് തര്ക്കം രൂക്ഷമാക്കി.
2014 ല് ആരാധനാ സ്വാതന്ത്ര്യം ആവശ്യപ്പെട്ട് പള്ളിയ്ക്ക് മുമ്പില് 264 ദിവസം നീണ്ടുനിന്ന ഉപവാസ പ്രാര്ത്ഥന യജ്ഞം യാക്കോബായ വിശ്വാസികള് നടത്തിയെങ്കിലും ഫലം കണ്ടില്ല.
ചാപ്പലുകള് കേന്ദ്രീകരിച്ചാണ് നിലവില് ആരാധന നടത്തി വന്നിരുന്നത്. ഈ സാഹചര്യത്തിലാണ് മാമ്മലശ്ശേരിയില് പുതിയ പള്ളി നിര്മിക്കുന്നതിനായി ശ്രമം ആരംഭിച്ചത്. ഇതിനായി ഒന്നരയേക്കര് സ്ഥലവും വാങ്ങി. പക്ഷെ പള്ളി നിര്മിക്കുവാനുള്ള സാമ്പത്തിക സ്ഥിതിയില്ലാത്തതിനാല് ഇടവകയിലെ വിശ്വാസികള് ശ്രമദാനമായാണ് അടയ്ക്കാമരവും പനയോലയും ഉപയോഗിച്ച് ആരാധനാലയം ഒരുക്കിയത്.
