ന്യൂദല്ഹി : സമാധാന അന്തരീക്ഷം നിലനിര്ത്തുന്നതിനായി 200 മീറ്റര് വിട്ടുനല്കി ഗുരു രവിദാസ് ക്ഷേത്രം പുനര് നിര്മിക്കാന് തയ്യാറാണെന്ന് കേന്ദ്ര സര്ക്കാര്. വിശ്വാസവും ആരാധനയും കണക്കിലെടുത്താണ് ക്ഷേത്രം നിര്മിക്കാന് തയ്യാറാണെന്ന് കേന്ദ്ര സര്ക്കാര് അറിയിച്ചിരിക്കുന്നത്. ജസ്റ്റിസ് അരുണ് മിശ്ര, എസ്. രവീന്ദ്ര ഭട്ട് തുടങ്ങിയ ഡിവിഷന് ബെഞ്ചാണ് ഹര്ജി പരിഗണിച്ചത്. സമാധാനവും ഐക്യവും നിലനിര്ത്താന് രവിദാസ് ക്ഷേത്രം പുനര്നിര്മ്മിക്കാന് തയ്യാറാണെന്ന് കേന്ദ്രസര്ക്കാര് സുപ്രീംകോടതിയെ അറിയിച്ചു. സുപ്രീംകോടതിയുടെ നിര്ദ്ദേശപ്രകാരം പൊളിച്ചു മാറ്റിയ രവിദാസ് ക്ഷേത്രം അതേ സ്ഥലത്ത് വീണ്ടും നിര്മ്മിച്ചു നല്കാന് തയ്യാറാണെന്ന് കേന്ദ്രസര്ക്കാര് അറിയിച്ചത്.
വനഭൂമിയില് നിര്മ്മിച്ച ക്ഷേത്രം സുപ്രീംകോടതിയുടെ വിധി പ്രകാരം ആഗസ്റ്റ് 10നാണ് പൊളിച്ചുനീക്കിയത്. ഇതിനെതിരെ പ്രതിഷേധം ശക്തമായതോടെയാണ് അറ്റോര്ണി ജനറല് കെ.കെ. വേണുഗോപാല് മുഖേന 200 ചതുരശ്ര മീറ്റര് വിട്ട് ക്ഷേത്രം ഗൂരു രവിദാസിന്റെ ക്ഷേത്രം നിര്മിച്ചു തരാന് തയ്യാറാണെന്ന് അറിയിച്ചത്. ഇതുമായി ബന്ധപ്പെട്ട് എല്ലാ സംഘടനകളുമായും ചര്ച്ച നടത്തിക്കഴിഞ്ഞു.
വിശ്വാസവും ആരാധനയും കണക്കിലെടുത്ത് ഭക്തരും ബന്ധപ്പെട്ട സര്ക്കാര് ഉദ്യോഗസ്ഥരുമായി ചര്ച്ച ചെയ്തതിനു ശേഷമാണ് ഭൂമി നല്കാന് കേന്ദ്രം സമ്മതിച്ചതെന്ന് അദ്ദേഹം കോടതിയില് അറിയിച്ചു. ഇക്കാര്യത്തില് ഒക്ടോബര് 23ന് അന്തിമവിധി പ്രഖ്യാപിക്കുമെന്ന് സുപ്രീംകോടതി അറിയിച്ചു. നടപടിക്കെതിരെ വിവിധ സംഘടനകള് പ്രതിഷേധവുമായി രംഗത്തുവന്നിരുന്നു. വിഷയം രാഷ്ട്രീയ വതകരിക്കാന് തുടങ്ങിയതോടെയാണ് സുപ്രീംകോടതി വിഷയത്തില് ഇടപെടുന്നത്. അതേസമയം പ്രശ്നം രാഷ്ട്രീയവല്കരിക്കരുതെന്നും ധര്ണയും പ്രകടനങ്ങളും നടത്തിയാല് കോടതി അലക്ഷ്യത്തിന് കേസെടുക്കുമെന്നും സുപ്രീംകോടതി മുന്നറിയിപ്പ് നല്കിയിരുന്നു.
