തിരുവനന്തപുരം: ഗതാഗത നിയമ ലംഘനങ്ങള്ക്ക് കടുത്ത ശിക്ഷകള് വ്യവസ്ഥചെയ്യുന്ന മോട്ടോര്വാഹന നിയമഭേദഗതി ഇന്നു മുതല് പ്രാബല്യത്തില് നിലവില്വരും. റോഡ് സുരക്ഷാ കര്മ്മപദ്ധതിയുടെ ഭാഗമായി പ്രഖ്യാപിച്ച കര്ശന പരിശോധന ചൊവ്വാഴ്ച തുടങ്ങും. വാഹനങ്ങള് തടഞ്ഞുനിര്ത്തി പരിശോധിക്കുന്ന നടപടി അവസാനിപ്പിച്ച് ഡിജിറ്റല് സംവിധാനത്തിലേക്ക് മാറ്റുമെന്നും മന്ത്രി എ.കെ. ശശീന്ദ്രന് അറിയിച്ചു.
30 വര്ഷത്തിനുശേഷമാണ് മോട്ടോര്വാഹന നിയമത്തില് ഇത്ര കര്ശ്ശനമായ മാറ്റം കൊണ്ടുവരുന്നത്. ഉയര്ന്ന ശിക്ഷ വരുന്നതോടെ റോഡപകടങ്ങള് പരമാവധി കുറയ്ക്കാമെന്നാണ് കരുതുന്നതെന്നും ജനങ്ങള് ബോധവാന്മാരാകണമെന്നും മന്ത്രി പറഞ്ഞു.
2019 ഏപ്രില് മുതല് ജൂണ് വരെ 14,076 അപകടങ്ങളാണുണ്ടായി. ഇതില് 1203 ജീവനുകള് പൊലിഞ്ഞു. വര്ഷം ശരാശരി 45,000 അപകടങ്ങളും 4500 മരണങ്ങളും സംസ്ഥാനത്ത് റിപ്പോര്ട്ട് ചെയ്യുന്നുണ്ട്. ഈ സാഹചര്യത്തില് നിയമവും പിഴയും കര്ശനമാക്കാതെ വേറെ വഴിയില്ലെന്നും മന്ത്രി പറഞ്ഞു.
