തിരുവനന്തപുരം: മലപ്പുറത്ത് അയ്യപ്പക്ഷേത്രത്തിന് നേരെ നടന്ന ആക്രമണത്തില് വര്ഗീയ കലാപം ഉണ്ടാക്കാനായി ആദ്യം വ്യാജവാര്ത്ത പടച്ചുവിട്ടത് മുഖ്യമന്ത്രിയുടെ മീഡിയ ഉപദേഷ്ടാവ് നേതൃത്വം നല്കുന്ന മാധ്യമ സ്ഥാപനം. ആക്രമണം നടത്തിയത് ആര്.എസ്.എസ് പ്രവര്ത്തകര് എന്ന രീതിയിലാണ് പിണറായിയുടെ സന്തത സഹചാരിയായ ജോണ് ബ്രിട്ടാസ് നേതൃത്വം നല്കുന്ന കൈരളി ചാനലിന്റെ ഓണ്ലൈനാണ് ആദ്യം വ്യാജവാര്ത്ത പടച്ചുവിട്ടത്. എത് ഏറ്റുപിടിച്ചാണ് ചുവപ്പ്-ജിഹാദി മാധ്യമങ്ങള് ആര്.എസ്.എസിനെതിരെയും ബി.ജെ.പിക്കെതിരെ വ്യാജ വാര്ത്ത ചമച്ചത്. വടക്കുംപുറം സികെ പാറ നെയ്തലപ്പുറത്ത് ശ്രീധര്മശാസ്താ ക്ഷേത്രം ആക്രമിച്ചത് ശാന്തി നഗര് വടക്കുംപുറം സി.കെ പാറ സ്വദേശി രാമകൃഷ്ണന് (50) ആണ്. ഇയാള്ക്ക് ബി.ജെപിയുമായോ ആര്.എസ്.എസിന്റെ പോഷക സംഘടനകളുമായോ യാതൊരു ബദ്ധവുമില്ലെന്ന് പോലീസ് തന്നെ വ്യക്തമാക്കിയിരുന്നു. ഇതു മറച്ചുവെച്ചാണ് സമൂഹത്തില് തെറ്റിദ്ധാരണ പരത്തി വര്ഗീയ കലാപം ഉണ്ടാക്കാനായി സിപിഎമ്മിന്റെ നേതൃത്വത്തില് പ്രവര്ത്തിക്കുന്ന കൈരളി ഓണ്ലൈന്ശ്രമിച്ചത്.
എന്നാല്, പോലീസ് റിപ്പോര്ട്ട് അടക്കം പുറത്തുവന്നതോടെ കൈരളി വ്യാജവാര്ത്ത ഡിലീറ്റ് ചെയ്ത് മുങ്ങി. എങ്കിലും വാര്ത്തയുടെ ലിങ്ക് ഇപ്പോഴും ഗൂഗിളില് ഉണ്ട്. വ്യാജവാര്ത്തക്കെതിരെ നിയമനടപടി സ്വീകരിക്കുമെന്ന് അറിയിച്ചതോടെയാണ് കൈരളി വാര്ത്ത ഡിലീറ്റ് ചെയ്തത്. ഈ വ്യാജവാര്ത്തയെകുറിച്ച് കൈരളിയില് വിളിച്ച് വിശദീകരണം ചോദിച്ചപ്പോള് എങ്ങനൊരു വാര്ത്ത തങ്ങള് കൊടുത്തിട്ടില്ലെന്ന കള്ളമാണ് എഡിറ്റര് പറഞ്ഞത്. സമൂഹത്തില് തെറ്റിദ്ധാരണ പരത്താനാണ് സര്ക്കാരിന് നേതൃത്വം നല്കുന്ന പാര്ട്ടിയുടെ ഉടമസ്ഥതയിലുള്ള ചാനല് വെബ്സൈറ്റ് ശ്രമിച്ചത്.
കൈരളി വ്യാജ വാര്ത്ത ഡിലീറ്റ് ചെയ്തപ്പോള്
