പത്തനംതിട്ട: സഭാ തര്ക്കത്തില് സര്ക്കാരിന്റെ ഒളിച്ചുകളിക്കെതിരെ വീണാ ജോര്ജ് എംഎല്എ. മലങ്കര സഭാ തര്ക്കത്തില് ഓര്ത്തഡോക്സുകാര്ക്ക് അനുകൂലമായുള്ള സുപ്രീംകോടതി വിധി നടപ്പാക്കണമെന്ന് വീണാ ആവശ്യപ്പെട്ടു. ഓര്ത്തഡോക്സ് സഭക്ക് അനുകൂലമായാണ് സുപ്രീം കോടതി വിധി ലഭിച്ചത്. സഭാ വിഷയത്തില് ശാശ്വത സമാധാനം ഉണ്ടാകണം. അതിന് വിധി നടപ്പാക്കുകയാണ് വേണ്ടതെന്നും അവര് പറഞ്ഞു.
2017 ജൂലൈയിലാണ് പള്ളികളുടെ അവകാശം സംബന്ധിച്ച സഭാതര്ക്കത്തില് ഓര്ത്തഡോക്സ് സഭക്ക് അനുകൂലമായി സുപ്രീംകോടതി വിധി വന്നത്. എന്നാല്, ഇത് നടപ്പാക്കാതെ ഓര്ത്തഡോക്സ്യാക്കോബായ വിഭാഗങ്ങളെ ചര്ച്ചയിലൂടെ അനുനയിപ്പിക്കാനുള്ള ശ്രമങ്ങളാണ് പിണറായി സര്ക്കാരിന്റെ ഭാഗത്തുനിന്നുണ്ടായത്. പലവട്ടം സമവായ ചര്ച്ചകള് നടത്തിയെങ്കിലും ഫലമുണ്ടായില്ല. സുപ്രീംകോടതി വിധി നടപ്പാക്കണമെന്ന ആവശ്യത്തിലുറച്ചു നില്ക്കുകയാണ് ഓര്ത്തഡോക്സ് സഭ. വിധി നടപ്പാക്കാത്തതിനെത്തുടര്ന്ന് സര്ക്കാരിനെതിരെ കോടതിയലക്ഷ്യ ഹര്ജി നല്കുന്നതടക്കമുള്ള നടപടികളുമായി സഭ മുമ്പോട്ടുപോകുകയാണെന്നാണ് വിവരം. ഇതിനിടയിലാണ് സുപ്രിം കോടതി വിധ നടപ്പിലാക്കണമെന്ന ആവശ്യവുമായി സിപിഎം എംഎല്എ വീണ ജോര്ജ്ജ് രംഗത്തെത്തിയത്.
