റാന്നി: വെണ്ണിക്കുളം-റാന്നി റോഡിലെ വെളളക്കെട്ട് കാരണം ഇതുവഴിയുള്ള യാത്ര ദുഷ്ക്കരമാകുന്നു.റാന്നി ടൗണിനെ തിരുവല്ലയുമായി ബന്ധിപ്പിക്കുന്ന പ്രധാനറോഡാണിത്. സ്വകാര്യ, കെഎസ്ആര്ടിസി ബസുകളടക്കം നിരവധി വാഹനങ്ങള് കടന്ന് പോകുന്ന റോഡിലെ വെള്ളക്കെട്ട് പല അപകടങ്ങള്ക്കും കാരണമാകുന്നു. ബസുകള് ഒരു ട്രിപ്പ് സര്വ്വീസ് കഴിഞ്ഞാല് വര്ക്ക് ഷോപ്പില് കയറ്റണ്ട സ്ഥിതിയാണ്.
വലിയ കുഴികളില് വീണ് വണ്ടികളുടെ പ്ലെയിറ്റ് ഒടിയുന്നത് പതിവാണ്. ഇത് ബസ് ഉടമകള്ക്കും ജീവനക്കാര്ക്കും വലിയ സാമ്പത്തിക ബുദ്ധിമുട്ടാണ് ഉണ്ടാക്കുന്നത്. റാന്നി മുതല് വെണ്ണിക്കുളം വരെയുളള ഭാഗങ്ങളില് റോഡില് നിറയെ കുഴികളാണ്. റാന്നി വലിയപള്ളി, പൂവന്മല, പ്ലാങ്കമണ്, തീയാടിക്കല്, തടിയൂര് എന്നിവിടങ്ങളിലെല്ലാം റോഡ് തോടിന്റെ അവസ്ഥയിലാണ്.
വള്ളം കെട്ടിക്കിടക്കുന്ന കുഴികളില് എത്രത്തോളം ആഴമുണ്ടെന്ന് അറിയാനാകുന്നില്ല. ഇരുചക്രവാഹനക്കാര് കുഴികളില് വീണ് അപകടം സംഭവിക്കുന്നു.
