തിരുവല്ല: സര്വ്വനാശം വിതച്ച 2018 പ്രളയകാലത്ത് രക്ഷാപ്രവര്ത്തനത്തിനിടെ ജീവന് നഷ്ടപ്പെട്ട വിശാലിന്റെ ഓര്മ്മയില് തിരുവല്ല തുകലശ്ശേരി ഗ്രാമം. പ്രളയകാലത്ത് പല വീടുകളിലും വെള്ളംകയറിയപ്പോള് അവിടങ്ങളില് ഒരു മടിയുംകൂടാതെ രക്ഷാപ്രവര്ത്തനത്തിന് നേതൃത്വകൊടുക്കുകയും പ്രവര്ത്തിക്കുകയും ചെയ്തിരുന്ന വിശാലിനെ ആപ്രളയം തന്നെ തട്ടിയെടുത്തതിന്റെ ഓര്മ്മയില് കേഴുകയാണ് തുകലശ്ശേരി എന്ന ഗ്രാം.
പ്രളയത്തില് അകപ്പെട്ടുപോയവരെ വീടുകളില്നിന്ന് മാറ്റിക്കൊണ്ടിരിക്കെ മാടപ്പത്രയിലെ തന്റെ വീടിന് സമീപം ഒരു കുടുംബത്തെ രക്ഷിക്കാനായി വിശാലും അച്ഛന് വേണുഗോപാലുംകൂടി അവിടേക്ക്പോയി. അവരെ രക്ഷിച്ച് അവരുടെ വീട്ടുസാധനങ്ങളുമായി വരുന്ന വഴി ഒഴുക്കില് രൂപപ്പെട്ട കുഴിയില് വശാലിന്റെ അച്ഛന് വേണുഗോപാല് വീഴുകയും ഇത് കണ്ട അച്ഛനെ രക്ഷപ്പെടുത്താനായി ശ്രമിക്കുന്നതിനിടെ വിശാല് ശക്തമായ ഒഴുക്കില്പ്പെടുകയായിരുന്നു.
വെള്ളം താണതിന്ശേഷമാണ് വിശാലിന്റെ മൃതദേഹം തിരികെ കിട്ടിയത്. ശാഖാ ശിക്ഷക്, യുവമോര്ച്ചാ താലൂക്ക് സെക്രട്ടറി, സേവാഭാരതിയുടെ സജീവ പ്രവര്ത്തകന് എന്നീ നിലയില് പ്രവര്ത്തനം നടത്തുമ്പോഴായിരുന്നു മരണം പ്രളത്തിന്റെ രൂപത്തില് വിശാലിനെ തട്ടിയെടുത്തത്. വിശാലിന്റെ സ്മരണാര്ത്ഥം സേവാഭാരതിയുടെ നേതൃത്വത്തില് മതില്ഭാഗം ഗവണ്മെന്റ് മോഡല് യുപിജി സ്കൂളിലെ നിര്ധനരായ വിദ്യാര്ത്ഥികള്ക്കായി എന്ഡോവ്മെന്റ് വിതരണം നടത്തി.
രാഷ്ട്രീയ സ്വയം സേവക സംഘം ശബരിഗിരി വിഭാഗ് സഹ കാര്യവാഹ് ജി.വിനു അനുസ്മരണ പ്രഭാഷണവും വിശാലിന്റെ പിതാവ് വേണുഗോപാല് എന്ഡോവ്മെന്റ് വിതരണവും നടത്തി. സേവാഭാരതി തിരുവല്ലാ ഘടകം പ്രസിഡന്റ് ബിജു ഗോപിനാഥ്, ജനറല് സെക്രട്ടറി ത്രിലോക് നാഥ്, വൈസ് പ്രസിഡന്റുമാരായ ഗംഗകുട്ടി, കെ.പി. ഷാജി, സെക്രട്ടറി മനോജ് ജായി, വേണുഗോപാല്, ശ്രീകുമാര് കൊങ്ങരേട്ട്, രാഷ്ടീയ സ്വയം സേവക സംഘം നഗര് സഹ കാര്യവാഹ് രതീഷ് എന്നിവര് പങ്കെടുത്തു.
