തിരുവനന്തപുരം : കേന്ദ്ര ആഭ്യന്തര സഹമന്ത്രിയോട് സഹായം വേണ്ടെന്ന് താന് പറഞ്ഞിട്ടില്ലെന്ന് മുഖ്യമന്ത്രി പിണറായി വിജയന്. തനിക്ക് ഹിന്ദി അറിയില്ല, ഇംഗ്ലീഷില് അത്ര പരിജ്ഞാനവുമില്ല, എങ്കിലും ഇംഗ്ലീഷിലാണ് ഹിന്ദി മനസിലാവില്ലെന്ന് പറഞ്ഞത്. ഹിന്ദി അറിയാത്തതുകൊണ്ടു താന് സംസാരിച്ചില്ല. െ്രെപവറ്റ് സെക്രട്ടറിമാര് തമ്മിലാണു സംസാരിച്ചതെന്നും മുഖ്യമന്ത്രി മാധ്യമങ്ങളോട് പറഞ്ഞു.
മഴക്കെടുതി നേരിടാന് സംസ്ഥാനത്തിനു 52.27 കോടി രൂപയുടെ കേന്ദ്ര സഹായം അനുവദിച്ചിരുന്നു . തുടര്ന്ന് നടപടികളെ കുറിച്ച് സംസാരിക്കാനായി ആഭ്യന്തര സഹമന്ത്രി നിത്യാനന്ദ റായി മുഖ്യമന്ത്രി പിണറായി വിജയനെ വിളിച്ചിരുന്നു . എന്നാല് അദ്ദേഹം പറഞ്ഞതൊന്നും തനിക്ക് ഹിന്ദി അറിയാത്തതിനാല് മനസ്സിലായില്ലെന്ന് പിണറായി പറഞ്ഞിരുന്നു .
സംസ്ഥാന ഗവണ്മെന്റ് ആവശ്യപ്പെട്ട മുഴുവന് കാര്യങ്ങളും കേന്ദ്രം ചെയ്തു കൊടുത്തിട്ടുണ്ട് . കേരളത്തിലെ ദുരിത നിവാരണ പ്രവര്ത്തനങ്ങള്ക്ക് നേതൃത്വം നല്കുന്നത് ആഭ്യന്തര സഹമന്ത്രി നിത്യാനന്ദ റായിയാണ് .ആര്മിയുടെ 210 ജവാന്മാര്, കോസ്റ്റ് ഗാര്ഡിന്റെ 3 ടീം,എമര്ജന്സി ടാസ്ക് ഫോഴ്സ് 3 ടീം,വ്യോമസേന വിമാനം, മെഡിക്കല് റെസ്ക്യൂ 2 ടീം എന്നിവ കേന്ദ്ര സംസ്ഥാന സര്ക്കാരുകളുടെ നിര്ദേശപ്രകാരം പ്രവര്ത്തിക്കുന്നുണ്ട്.
കഴിഞ്ഞതവണ പ്രളയസഹായമായി അനുവദിച്ച തുകയില് 1400 കോടി രൂപ കേരളത്തിന്റെ പക്കല് ബാക്കിയുണ്ടെന്ന് കേന്ദ്രവിദേശകാര്യ സഹമന്ത്രി വി മുരളീധരന് നേരത്തെ പറഞ്ഞിരുന്നു. കഴിഞ്ഞതവണ 2047 കോടി രൂപയാണ് കേന്ദ്രം അനുവദിച്ചത്. ഇതില് ചിലവഴിക്കാത്ത 1400 കോടിയോളം രൂപ സര്ക്കാരിന്റെ കയ്യിലുണ്ട്. സംസ്ഥാനം കൂടുതല് സാമ്പത്തിക സഹായത്തിന് അപേക്ഷിച്ചിട്ടില്ല, കഴിഞ്ഞ തവണ അനുവദിച്ച തുകയുടെ മിച്ചം സര്ക്കാരിന്റെ കയ്യിലുണ്ട്. അതുകൊണ്ടുതന്നെ സാമ്പത്തിക പരാധീനതയുടെ പ്രശ്നം കേരളത്തിന് ഇല്ലെന്നുമായിരുന്നു മുരളീധരന് വ്യക്തമാക്കിയത്.
