വള്ളംകളി വെള്ളംകളിയായി മാറുന്ന സാഹചര്യത്തില്‍ അതിന്റെ ആവശ്യം നമുക്കുണ്ടോയെന്നത് പ്രസക്തമായ ചോദ്യം. വള്ളംകളി വേണ്ടതുതന്നെ. കേരളത്തിന് ലോകത്തിനുമുന്നില്‍ അഭിമാനത്തോടെ അവതരിപ്പിക്കാവുന്ന ഒരു സ്‌പോര്‍ട്‌സ് ഇവന്റ് എന്നതിലുപരി സാമൂഹ്യ ഇടപഴകലിന്റെ വേദികൂടിയാണത്. ഏതാനും ആളുകളുടെ കുറച്ചുനാളത്തേയ്‌ക്കുള്ള വരുമാനമാര്‍ഗ്ഗവും വള്ളംകളിയിലുണ്ട്. വള്ളം നിര്‍മ്മാണം, തുഴ, തൊപ്പി, ഷോട്‌സ്, ഷര്‍ട്ട്, കുപ്പിവെള്ളം, സ്‌നാക്‌സ്, ചായ, സര്‍ബത്ത്, ഫോട്ടോഗ്രഫി എന്നിവയിലൂടെ കുറെപേര്‍ക്കും വരുമാനം ലഭിക്കുന്നുവെന്നത് വലിയകാര്യമാണ്.
പിന്നെ വെള്ളംകളി എന്ന മദ്യപാനം. അതില്ലാതാകാന്‍ ജനത്തിന് വിദ്യാഭ്യാസം ഇതുപോര. മദ്യം സര്‍ക്കാര്‍ സ്‌പൊണ്‍സേര്‍ഡ് ബിസിനസ് ആകുമ്പോള്‍ പ്രത്യേകിച്ചും. കൂടുതല്‍ പേര്‍ മദ്യത്തിലേക്ക് വീണുകിട്ടാന്‍ മയക്കുമരുന്നിന്റെ ദോഷഫലങ്ങളെപ്പറ്റി പ്രസംഗിക്കുന്നവരുമുണ്ട്. പുകവലിക്കെതിരെയുള്ള കാമ്പയിന്‍ പോലൊന്ന് എന്തുകൊണ്ടു അതിനെക്കാള്‍ അപകടകാരിയായ മദ്യത്തിനെതിരെ സര്‍ക്കാരും ഇതര ഏജന്‍സികളും സ്വീകരിക്കുന്നില്ലായെന്നതും നാം ചിന്തിക്കണം. ഇവിടെ റേഷന്‍കടകളില്‍ അരി ലഭ്യമല്ലാതായേക്കാം, പക്ഷെ ബിവറേജസ് ഷോപ്പുകളില്‍ മദ്യത്തിന്റെ സ്റ്റോക്ക് ഒരിക്കലും ഇല്ലാതാകുന്നില്ല.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: