തൃശൂര്: കനത്ത മഴയില് ഡാമുകള് അതിവേഗം നിറയുന്നു. പീച്ചിയില് ഒറ്റദിവസം ഒഴുകിയെത്തിയത് 10 ദശലക്ഷം ഘനമീറ്റര് വെള്ളം, ചിമ്മിണിയില് 12 ദശലക്ഷം ഘനമീറ്റര് വെള്ളം. പീച്ചിയില് ഇന്നലത്തെ ജലവിതാനം 74.11 മീറ്ററാണ്. വ്യാഴാഴ്ച് 72.44 ആയിരുന്നു. 479.25 മീറ്ററാണ് പരമാവധി ജലവിതാനം.
പീച്ചിയിലെ ഇന്നലത്തെ സ്റ്റോറേജ് 40.67 ദശലക്ഷം ഘനമീറ്ററാണ്. വ്യാഴാഴ്ച 30.857 ദശലക്ഷം ഘനമീറ്ററായിരുന്നു. 10.813 ദശലക്ഷം ഘനമീറ്ററാണ് 24 മണിക്കൂറില് ഒഴുകിയെത്തിയത്. അതിന്റെ തൊട്ടുമുമ്പുള്ള രണ്ട് ദിവസത്തെ മഴയില് ഒഴുകിയെത്തിയത് 0.81 ദശലക്ഷം ഘനമീറ്റര് മാത്രമായിരുന്നു.
സംഭരണശേഷി 95 ദശലക്ഷം ഘനമീറ്ററാണ് സംഭരണശേഷിയുടെ 42.83 ശതമാനമാണ് ഇപ്പോള് പീച്ചി ഡാമിലുള്ളത്. വ്യാഴാഴ്ച 33.50 ആയിരുന്നു. കനത്ത മഴ തുടരുകയും നീരൊഴുക്ക് അതിശക്തമാകുകയും പെയ്തതോടെ പീച്ചി അതിവേഗം നിറയുമെന്ന പ്രതീക്ഷയിലാണ് അധികൃതര്. ചിമ്മിനിയില് 63.41 മീറ്ററാണ് ഇന്നലത്തെ ജലവിതാനം. വ്യാഴാഴ്ച 60.51 മീറ്ററായിരുന്നു. 24 മണിക്കൂറില് മൂന്ന് മീറ്ററോളം ജലനിരപ്പ് ഉയര്ന്നു. സ്റ്റോറേജ് 67.61 ദശലക്ഷം ഘനമീറ്ററാണ്. ഇന്നലെയിത് 53.30 ആയിരുന്നു. സംഭരണശേഷിയുടെ 44.61 ശതമാനമായി ചിമ്മിണിയിലെ ജലനിരപ്പ് ഉയര്ന്നു. വാഴാനിയില് 54.56 മീറ്ററാണ് ഇന്നലത്തെ ജലവിതാനം. വ്യാഴാഴ്ച 52.44 ആയിരുന്നു. സംഭരണശേഷിയുടെ 47.90 ശതമാനം വെള്ളമാണ് ഇപ്പോഴുള്ളത്.
