നവാഗത സംവിധായകന്‍ വിജിത്ത് നമ്പ്യാര്‍ യുവതാരങ്ങളായ മനേഷ് കൃഷ്ണന്‍, ഗോപിക അനില്‍ എന്നിവരെ കേന്ദ്രകഥാപാത്രങ്ങളാക്കി ഒരുക്കുന്ന മ്യൂസിക്കല്‍ റൊമാന്റിക് കോമഡി ത്രില്ലര്‍ മുന്തിരിമൊഞ്ചന്‍ സെപ്റ്റംബറില്‍ പ്രദര്‍ശനത്തിനെത്തും. വിശ്വാസ് മൂവി ബാനറില്‍ പി കെ അശോകന്‍ നിര്‍മ്മിക്കുന്ന ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിട്ടുള്ളത് മനു ഗോപാലും മൊഹറലി പൊയ്‌ലുങ്ങല്‍ ഇസ്മായിലുമാണ്.
ജീവിതത്തിലെ ചില ആകസ്മിക സംഭവങ്ങളെ തമാശയും സംഗീതവും കലര്‍ത്തി രസകരമായി അവതരിപ്പിക്കുകയാണ് മുന്തിരിമൊഞ്ചന്‍. ഒരു ട്രെയിന്‍ യാത്രയില്‍ കണ്ടുമുട്ടുന്ന സുഹൃത്തുക്കളുടെ കഥയാണ് ചിത്രത്തില്‍ പറയുന്നത്. അവിചാരിതമായിട്ടാണ് ഇവര്‍ കണ്ടുമുട്ടുന്നതും പരിചയപ്പെടുന്നതും എന്നാല്‍ ആ കണ്ടുമുട്ടല്‍ ചില പ്രശ്‌നങ്ങളിലേക്ക് വഴിമാറുന്നതിലൂടെയാണ് ചിത്രം പുരോഗമിക്കുന്നത്.
കൊച്ചി , പാലക്കാട്, കോഴിക്കോട് എന്നിവിടങ്ങളിലായിട്ട് ഒറ്റ ഷെഡ്യൂളായിട്ടാണ് ചിത്രീകരണം പൂര്‍ത്തീകരിച്ചത്. മനേഷ് കൃഷ്ണന്‍, ഗോപിക അനില്‍, കൈരാവി തക്കര്‍(ബോളിവുഡ്), സലിംകുമാര്‍, ഇന്നസെന്റ്, ഇര്‍ഷാദ്, നിയാസ് ബക്കര്‍, ഇടവേള ബാബു, അഞ്ജലി നായര്‍, വിഷ്ണു നമ്പ്യാര്‍ തുടങ്ങിയവര്‍ക്ക് പുറമെ വലിയൊരു താരനിര തന്നെ ചിത്രത്തിലുണ്ട്.
ഛായാഗ്രഹണം ഷാന്‍ ഹാഫ്‌സാലി, സംഗീതംവിജിത്ത് നമ്പ്യാര്‍, പശ്ചാത്തല സംഗീതംറിജോഷ്, കഥ, തിരക്കഥ, സംഭാഷണംമനു ഗോപാല്‍, , ചിത്രസംയോജനംഅനസ്, വസ്ത്രാലങ്കാരം രാധാകൃഷ്ണന്‍ മങ്ങാട്, സഹസംവിധാനം അരുണ്‍ വര്‍ഗീസ്, പൊഡക്ഷന്‍ കണ്‍ട്രോളര്‍ ഷാജി പട്ടിക്കര, ചിത്രസംയോജനം അനസ്, ചമയം അമല്‍ ചന്ദ്രന്‍, വരികള്‍ റഫീക്ക് അഹമ്മദ്, മുരളീധരന്‍, മനുഗോപാല്‍, ആലാപനം ശ്രേയ ഘോഷാല്‍, ശങ്കര്‍ മഹാദേവന്‍,കലാസംവിധാനം ഷെബീറലി, സംവിധാന സഹായികള്‍ പോള്‍ വര്‍ഗീസ്, സുഹൈല്‍ സായ് മുഹമ്മദ്, അഖില്‍ വര്‍ഗീസ് ജോസഫ്, കപില്‍ ജെയിംസ് സിങ്, പി.ആര്‍.ഒ പി.ആര്‍.സുമേരന്‍, നിശ്ചല ഛായാഗ്രഹണം രതീഷ് കര്‍മ്മ, അസ്സോസിയേറ്റ് ക്യാമറ ഷിനോയ് ഗോപിനാഥ്, പ്രൊഡക്ഷന്‍ എക്‌സിക്യൂട്ടീവ് ആന്റണി ഏലൂര്‍, സുജിത്ത് ഐനിക്കല്‍ തുടങ്ങിയവരാണ് അണിയറപ്രവര്‍ത്തകര്‍.
പ്രതികരിക്കാൻ ഇവിടെ എഴുതുക: