കുവൈറ്റ് സിറ്റി: കേരള ആര്‍ട്ട് ലവേഴ്സ് അസോസിയേഷന്‍, കല കുവൈറ്റ് മെഹബുള്ള നോര്‍ത്ത് യൂണിറ്റിന്റെ നേതൃത്വത്തില്‍ സംഘടിപ്പിച്ച പ്രസംഗ മത്സരത്തില്‍ അബുഹലീഫ ഇ യൂണിറ്റിലെ ജോബി ബേബി ഒന്നാം സ്ഥാനം കരസ്ഥമാക്കി. യൂണിറ്റിലെ തന്നെ സന്തോഷ് രണ്ടാം സ്ഥാനവും, മെഹ്ബൂള ബി യൂണിറ്റിലെ സിബി ജോണ്‍ മൂന്നാം സ്ഥാനവും കരസ്ഥമാക്കി.
യൂണിറ്റ് ജോയിന്റ് കണ്‍വീനര്‍ സൂരജ് അധ്യക്ഷത വഹിച്ച ഉദ്ഘാടന യോഗം കല കുവൈറ്റ് ആക്ടിങ് സെക്രട്ടറി രജീഷ് സി നായര്‍ ഉത്ഘാടനം ചെയ്തു. കല കുവൈറ്റ് ആക്ടിങ് പ്രസിഡന്റ് ജ്യോതിഷ് ചെറിയാന്‍, അബു ഹലീഫ മേഖല സെക്രട്ടറി ജിതിന്‍ പ്രകാശ്, പ്രസിഡന്റ് നാസര്‍ കടലുണ്ടി, കേന്ദ്ര കമ്മിറ്റി അംഗങ്ങളായ എംപി മുസഫര്‍, പ്രജോഷ് എന്നിവര്‍ പരിപാടിയില്‍ പങ്കെടുത്തു.
കലയുടെ മുന്‍ ഭാരവാഹികളായ നാഗനാഥന്‍, പ്രസീദ് കരുണാകരന്‍ എന്നിവര്‍ മത്സരങ്ങളുടെ വിധിനിര്‍ണയം നടത്തി. യൂണിറ്റ് കണ്‍വീനര്‍ തോമസ് സ്വാഗതം പറഞ്ഞ ചടങ്ങിന് കല കുവൈറ്റ് അബുഹലീഫ മേഖല എസ്സിക്യൂട്ടീവ് അംഗം ഓമനക്കുട്ടന്‍ നന്ദി രേഖപ്പെടുത്തി.
പ്രതികരിക്കാൻ ഇവിടെ എഴുതുക: