തിരുവനന്തപുരം: മഹിളാ മോര്ച്ച ജില്ലാ കമ്മറ്റിയുടെ നേതൃത്വത്തില് അംഗത്വ വിതരണത്തിന് തുടക്കമായി. റിട്ട.കോളേജ് പ്രിന്സിപ്പാള് മുതല് കുടുംബശ്രീ അംഗങ്ങള് വരെ പുതിയതായി അംഗത്വം എടുത്തവരില്പ്പെടുന്നു. സംസ്ഥാന പ്രസിഡന്റ് വി.ടി രമ അംഗത്വ വിതരണം ഉദ്ഘാടനം ചെയ്തു.
മറ്റ് രാഷ്ട്രീയ പാര്ട്ടിക്കാര് സ്വന്തം കീശ വീര്പ്പിക്കാന് നോക്കുമ്പോള് ബിജെപി രാഷ്ട്രത്തിന്റെ മുന്നേറ്റമാണ് നോക്കുന്നതെന്ന് വി.ടി രമ പറഞ്ഞു. വിദ്യാര്ഥികള്ക്ക് അറിവ് പകര്ന്ന് നല്കേണ്ട അധ്യാപകര് സംസ്ക്കാരത്തെ നശിപ്പിക്കുന്ന തരത്തിലുള്ള അറിവാണ് പകര്ന്ന് നല്കുന്നത്. അതിനാലാണ് കലാലയങ്ങളില് രാഷ്ട്രീയ ഗുണ്ടകള് ഉണ്ടാകുന്നത്. വീട്ടമ്മമാരെ വിധവകളാക്കാന് മത്സരിക്കുകയാണ് സിപിഎം. പോലീസിലും ഗുണ്ടകളെ കുത്തിനിറയ്ക്കാനുള്ള നീക്കമാണ് സിപിഎം നടത്തിവരുന്നതെന്നും രമ പറഞ്ഞു.
ജില്ലാ പ്രസിഡന്റ് ബിന്ദു വലിയശാല അധ്യക്ഷത വഹിച്ചു. സംസ്ഥാന വൈസ് പ്രസിഡന്റ് ബിന്ദുപ്രസാദ്, ബിജെപി ജില്ലാ വൈസ് പ്രസിഡന്റ് പൂന്തുറ ശ്രീകുമാര്, ജില്ല ജനറല് സെക്രട്ടറി ബിജു ബി.നായര്, നഗരസഭാ സ്റ്റാന്റിംഗ് കമ്മറ്റി ചെയര്പേഴ്സണ് സിമി ജ്യോതിഷ്, ആര്.സി. ബീന, ജയാ രാജീവ്, ശ്രീകുമാരി അമ്മ, സന്ധ്യ ശ്രീകുമാര്, ശ്രീജ സുദര്ശനന്, സുധര്മ തുടങ്ങിയവര് സംസാരിച്ചു.
പുതിയതായി അംഗത്വം സ്വീകരിച്ചവരെ സംസ്ഥാന പ്രസിഡന്റ് ഷാള് അണിയിച്ച് സ്വീകരിച്ചു. ഏവിയേഷന് കോളേജ് പ്രിന്സിപ്പാള് ദീപ മണികണ്ഠന്, മുന് മേയര് ബാലകൃഷ്ണന്നായരുടെ മകള് മായാ അരവിന്ദ്, വിമന്സ് കോളേജ് അലുമിനി അസോസിയേഷന് ഭാരവാഹി മായാ പദ്മചന്ദ്രന്, സന്ധ്യ, എന്എസ്എസ് കോളേജ് മുന് വൈസ് പ്രിന്സിപ്പാള് ശ്രീജ, അഡ്വ. അനിത തുടങ്ങി നിരവധിപേര് അംഗത്വം എടുത്തവരില്പ്പെടുന്നു.
