കണ്ണൂർ: ബംഗാളിലും ത്രിപുരയിലും സിപിഎം തകര്ന്നടിഞ്ഞതിന് പിന്നാലെ കേരളവും അതേ വഴിയിലാണെന്ന് ബിജെപി കണ്ണൂർ ജില്ലാ പ്രസിഡണ്ട് പി. സത്യപ്രകാശ് പറഞ്ഞു. പയ്യന്നൂര് നിയോജക മണ്ഡലം ശക്തികേന്ദ്ര ഇന് ചാര്ജ്ജുമാരുടെ ശില്പ്പശാലയില് സംബന്ധിച്ച് സംസാരിക്കുകയായിരുന്നു അദ്ദേഹം.
സിപിഎമ്മിന്റെയും പോഷക സംഘടനകളുടേയും സമീപകാല പ്രവര്ത്തനങ്ങള് സിപിഎം തകർച്ചയ്ക്ക് വേഗം കൂട്ടി. കമ്യൂണിസ്റ്റ് ഭരണം വ്യാപാരികള്ക്കും വിദ്യാര്ത്ഥികള്ക്കും കേരള ജനതക്കൊട്ടാകെയും ശാപവും ഭാരവുമായി മാറിയിരിക്കയാണ്. ഈ കാലയളവിലാണ് ബിജെപി മെമ്പര്ഷിപ്പ് പ്രവര്ത്തനങ്ങള് നടന്നുവരുന്നതെന്നും സമൂഹത്തിന്റെ നാനാതുറകളില്പ്പെട്ടവര് ബിജെപിയിലേക്ക് എത്തുകയാണെന്നും അദ്ദേഹം പറഞ്ഞു.
ബിജെപി സംസ്ഥാന മെമ്പര്ഷിപ്പ് സഹ കണ്വീനര് പി. സുധീര് ശില്പ്പശാല ഉദ്ഘാടനം ചെയ്തു. മേഖലാ വൈസ് പ്രസിഡണ്ട് എം.പി. ഗംഗാധരന് മാര്ഗനിര്ദ്ദേശം നല്കി. മണ്ഡലം പ്രസിഡണ്ട് സി.കെ. രമേശന് മാസ്റ്റര് അധ്യക്ഷത വഹിച്ച ചടങ്ങില് ജനറല് സെക്രട്ടറി ഗംഗാധരന് കാളീശ്വരം സ്വാഗതവും എം.കെ. മുരളി നന്ദിയും പറഞ്ഞു.
