കുവൈത്ത് സിറ്റി: കേരള ആര്‍ട്ട് ലവേഴ്‌സ് അസോസിയേഷന്‍, കല കുവൈത്ത് ഫഹാഹീല്‍ മേഖല കമ്മിറ്റിയുടെ നേതൃത്വത്തില്‍ ‘ആ മാങ്കോസ്റ്റിന്‍ ചോട്ടില്‍: ബഷീറിയന്‍ ഓര്‍മ്മകളുമായി ഇത്തിരി നേരം’ എന്ന പേരില്‍ മണ്‍മറഞ്ഞ പ്രശസ്ത സാഹിത്യകാരന്‍ വൈക്കം മുഹമ്മദ് ബഷീറിന്റെ ഓര്‍മ്മകള്‍ പങ്കിട്ടുകൊണ്ട് സാഹിത്യ സദസ്സ് സംഘടിപ്പിക്കുന്നു.
ജൂലൈ 18 വ്യാഴാഴ്ച വൈകിട്ട് 7 മണിക്ക് മംഗഫ് കല സെന്ററിലാണ് പരിപാടി സംഘടിപ്പിച്ചിരിക്കുന്നത്. പരിപാടിയുടെ ഭാഗമായി ഡോക്യുമെന്ററി പ്രദര്‍ശനം, സ്‌കിറ്റ്, ബഷീറിന്റെ പെണ്ണുങ്ങള്‍, ബഷീര്‍: സാഹിത്യവും, ജീവിതവും എന്ന പേരുകളില്‍ വിഷയാവതരണം തുടങ്ങിയ പരിപാടികള്‍ ഒരുക്കിയിട്ടുണ്ട്.
പരിപാടിയിലേക്ക് മുഴുവന്‍ ആളുകളേയും സ്വാഗതം ചെയ്യുന്നതായി ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക് 67059835, 96006976 എന്നീ നമ്പറുകളില്‍ ബന്ധപ്പെടാവുന്നതാണ്.
പ്രതികരിക്കാൻ ഇവിടെ എഴുതുക: