കൊച്ചി : സംഭരണികളില് ജലക്ഷാമം രൂക്ഷമായതിനെ തുടര്ന്ന് സംസ്ഥാനത്ത് വൈദ്യുതി നിയന്ത്രണത്തിലേക്കാണ് നീങ്ങുന്നതെന്ന് വൈദ്യുതി വകുപ്പ് മന്ത്രി എം.എം. മണി. കൂടംകുളം ലൈന് പദ്ധി ഇനിയും പൂര്ത്തീകരിച്ചിരുന്നെങ്കില് സംസ്ഥാനത്തിന് ഈ പ്രതിസന്ധി മറുകടക്കാമായിരുന്നു. എന്നാല് പണി ഇനിയും പൂര്ത്തിയായിട്ടില്ല. അതിനാല് വൈദ്യുതി നിയന്ത്രണം ഏര്പ്പെടുത്തുകയല്ലാതെ വേറെ മാര്ഗ്ഗമില്ലെന്നും മന്ത്രി അറിയിച്ചു.
അതിനിടെ സംസ്ഥാനത്തെ ഡാമുകളില് സംഭരണ ശേഷിയുടെ പകുതി വെള്ളം മാത്രമേ ഇപ്പോഴുള്ളൂ എന്ന് ജലവിഭവവകുപ്പ് മന്ത്രി കെ കൃഷ്ണന്കുട്ടി അറിയിച്ചു. ഒന്നര ആഴ്ചത്തെ ആവശ്യത്തിനായുള്ള ജലം മാത്രമേ ഇപ്പോള് ഡാമുകളില് അവശേഷിക്കുന്നതെന്നും മന്ത്രി നിയമസഭയില് അറിയിച്ചു.
ജൂണില് ലഭിക്കേണ്ട മഴയില് 33 ശതമാനത്തിന്റെ കുറവാണ് ഉണ്ടായത്. കഴിഞ്ഞ വര്ഷം ജൂണ് മുപ്പതുമായി താരതമ്യം ചെയ്യുമ്പോള് സംഭരണശേഷിയുടെ 48.46 ശതമാനത്തിന്റെ കുറവാണ് ഡാമുകളില് ഉള്ളത്. ഇനിയും മഴ പെയ്തില്ലെങ്കില് വ്യവസായത്തിനും ജലസേചനത്തിനുമുള്ള വെള്ളത്തില് നിയന്ത്രണമുണ്ടാകുമെന്നും അദ്ദേഹം കൂട്ടിച്ചേര്ത്തു.
