കൊട്ടാരക്കര: കൊട്ടാരക്കരയില് ലോറിയും കെഎസ്ആര്ടിസി ബസും തമ്മില് കൂട്ടിയിടിച്ചുണ്ടായ അപകടത്തില് കെഎസ്ആര്ടിസി ബസ് പൂര്ണമായും കത്തി നശിച്ചു. സംഭവത്തില് 7 പേര്ക്ക് പൊള്ളലേറ്റിട്ടുണ്ട്. രണ്ട് പേരുടെ നില ഗുരുതരമാണ്.
ഉച്ചയ്ക്ക് രണ്ടേമുക്കാലോടെതിരുവനന്തപുരം-മൂവാറ്റുപുഴ ദേശീയപാതയില്എംസി റോഡ് വളവില് വെച്ചാണ് റെഡിമികസ് ലോറിയും ബസ്സും തമ്മില് കൂട്ടിയിടിക്കുന്നത്. ബസ് ലോറിയുടെ ഡീസല് ടാങ്കിലാണ് ഇടിക്കുന്നത്. ഉടന് തന്നെ പൊട്ടിത്തെറിച്ച് തീ ബസിലേക്ക് ആളിപ്പടരുകയായിരുന്നു.
ആളുകള് പെട്ടെന്ന് തന്നെ ബസ്സില് നിന്ന് ഇറങ്ങിയാതിനാല് വന് അപകടം ഒഴിവായി. കിളിമാനൂര് ഡിപ്പോയില് നിന്നുള്ള കൊട്ടരക്കര- തിരുവനന്തപുരം സൂപ്പര്ഫാസ്റ്റ് ബസാണ് കത്തി നശിച്ചത്. റെഡിമികസ് ലോറി ഡ്രൈവറുടെ അശ്രദ്ധയാണ് അപകടത്തിന് കാരണമെന്ന് ദൃക്സാക്ഷികള് പറയുന്നു.
ബസില് നിരവധി യാത്രക്കാരുണ്ടായിരുന്നു.പരിക്കേറ്റവരെ കൊട്ടാരക്കര താലൂക്ക് ആശുപത്രിയിലേക്കും തിരുവനന്തപുരം മെഡിക്കല് കോളേജിലേക്കും മാറ്റി.ഇരുവാഹനങ്ങളുടെ ഡ്രൈവര്മാര്ക്കും കെഎസ്ആര്ടിസി കണ്ടക്ടര്ക്കും പൊള്ളലേറ്റിട്ടുണ്ട്.
