ഈ ലോകത്തോടു വിടപറഞ്ഞെങ്കിലും ഇപ്പോഴും തേജസ്സുറ്റ പ്രചോദനമായ മുന് മുഖ്യപത്രാധിപര് ലീലാ മേനോനെ ജന്മഭൂമി അനുസ്മരിച്ചു. ഒന്നാം ചരമവാര്ഷികദിനത്തില്, ഇന്നലെ ജന്മഭൂമിയുടെ എല്ലാ യൂണിറ്റുകളിലും അനുസ്മരണ യോഗങ്ങള് ചേര്ന്നു. മാധ്യമപ്രവര്ത്തനത്തിന്റെ ധീരമാതൃകയായ ലീലാമേനോന് ഓര്മകളില് നിറഞ്ഞു.
സധൈര്യം സത്യം തുറന്നു പറഞ്ഞതാണ് ലീലാമേനോനെ മാധ്യമലോകത്ത് വ്യത്യസ്തയാക്കിയതെന്ന് കൊച്ചി യൂണിറ്റിലെ അനുസ്മരണ യോഗത്തില് മാനേജിങ് ഡയറക്ടര് എം. രാധാകൃഷ്ണന് പറഞ്ഞു. മുരളി പാറപ്പുറം അനുസ്മരണ പ്രഭാഷണം നടത്തി. സാഹിത്യകാരന് പി.ഐ. ശങ്കരനാരായണന് ചടങ്ങില് പങ്കെടുത്തു.
കോഴിക്കോട് യൂണിറ്റില് തപസ്യ സംസ്ഥാന ജോയിന്റ് സെക്രട്ടറി പ്രൊഫ. ശ്രീശൈലം ഉണ്ണികൃഷ്ണന്, ജന്മഭൂമി ഡെപ്യൂട്ടി എഡിറ്റര് കെ. മോഹന്ദാസ്, പ്രസാധകന് പി.സി. കൃഷ്ണവര്മ്മ രാജ തുടങ്ങിയവര് പ്രസംഗിച്ചു. കണ്ണൂരിലെ അനുസ്മരണ യോഗത്തില് സി.പി. സുരേന്ദ്രന് (കേരളകൗമുദി), പ്രൊഫ. കൂമുള്ളി ശിവരാമന് എന്നിവര് പങ്കെടുത്തു. കോട്ടയത്ത് സംസ്ഥാന വനിതാ കമ്മീഷന് മുന് അംഗം ജെ. പ്രമീളാദേവി, ജന്മഭൂമി ജനറല് മാനേജര് കെ.ബി. ശ്രീകുമാര്, റസിഡന്റ് എഡിറ്റര് കെ.എന്.ആര്. നമ്പൂതിരി എന്നിവര് പങ്കെടുത്തു.
തിരുവനന്തപുരത്ത് ബിജെപി മുന് സംസ്ഥാന അധ്യക്ഷന് കുമ്മനം രാജശേഖരന് അനുസ്മരണ യോഗം ഉദ്ഘാടനം ചെയ്തു. ജന്മഭൂമി ഡയറക്ടര് ബോര്ഡ് അംഗം ജയചന്ദ്രന് അധ്യക്ഷത വഹിച്ചു. ജനം ടിവി ചീഫ് എഡിറ്റര് ജി.കെ. സുരേഷ് ബാബു, ജന്മഭൂമി മുന് ചീഫ് എഡിറ്റര് ഹരി എസ്. കര്ത്ത എന്നിവര് സംസാരിച്ചു.
കൊല്ലം യൂണിറ്റില് ചേര്ന്ന ചടങ്ങില് ജന്മഭൂമി റസിഡന്റ് എഡിറ്റര് കെ. കുഞ്ഞിക്കണ്ണന്, ഡെപ്യൂട്ടി ജനറല് മാനേജന് കെ.എം. ശ്രീദാസ്, ആര്എസ്എസ് വിഭാഗ് സദസ്യന് സി.കെ. ചന്ദ്രബാബു, മഹിള ഐക്യവേദി സംസ്ഥാന ഉപാധ്യക്ഷ പ്രസന്ന ഉണ്ണികൃഷ്ണന്, മുന് ഡെപ്യൂട്ടി ഡിഎഒ ഡോ.വി. ശശിധരന്പിള്ള, ഹിന്ദു ഐക്യവേദി ഉപാധ്യക്ഷന് എസ്. വിജയമോഹന്, എസ്. ഹരിഹര അയ്യര്, ബിജെപി ദക്ഷിണമേഖല ജന. സെക്രട്ടറിമാരായ എം. സുനില്. അഡ്വ.ജി. ഗോപകുമാര് എന്നിവര് പ്രസംഗിച്ചു.
തൃശൂരില് സാഹിത്യ അക്കാദമി വൈലോപ്പിള്ളി ഹാളില് ചേര്ന്ന അനുസ്മരണ സദസ്സ് പ്രമുഖ കോളമിസ്റ്റ് പ്രൊഫ. ജോര്ജ് എസ്. പോള് ഉദ്ഘാടനം ചെയ്തു. ജന്മഭൂമി തൃശൂര് യൂണിറ്റ് പ്രിന്റര് ആന്ഡ് പബ്ലിഷര് വി. ശ്രീനിവാസന് അധ്യക്ഷത വഹിച്ചു. ജന്മഭൂമി സീനിയര് മാനേജര് എന്. ഉത്തമന് അനുസ്മരണ പ്രഭാഷണം നടത്തി.
