പറവൂര്: പ്രസവത്തില് ഡോക്ടര്ക്ക് പറ്റിയ കൈപ്പിഴയുടെ പ്രത്യാഘാതത്തില് ഇതുവരെ എഴുന്നേറ്റ് നടക്കാന് തുടങ്ങാത്ത തങ്ങളുടെ മകനെ ഓര്ത്ത് നീറിക്കഴിയുകയാണ്് അഞ്ച് വയസ്സുകാരന് നിഹാലിന്റെ കുടുംബം. ആലങ്ങാട് പഞ്ചായത്തില് നീറ്റിക്കോട് പള്ളത്ത് പറമ്പില് നവാസിന്റെ മൂന്നാമത്തെ കുഞ്ഞാണ് മുഹമ്മദ് നിഹാല്.
2014 മാര്ച്ച് 4ന് പറവൂര് താലൂക്ക് ആശുപത്രിയിലാണ് നിഹാലിന്റെ ജനനം. ജനിച്ചിട്ട് ഇന്നുവരെ നിഹാല് കരയുകയോ സംസാരിക്കുകയോ ചെയ്തിട്ടില്ല. എഴുന്നേറ്റ് നടക്കാനും കഴിയില്ല. വലത് കൈക്ക് ചലനശേഷിയില്ല വലത് കൈയുടെ ചൂണ്ടാണിവിരല് ഒഴികെ മറ്റു വിരലുകളെല്ലാം മടങ്ങിയിരിക്കുകയാണ്. തലച്ചോറിന് ക്ഷതമുണ്ട്. വായിലൂടെ ഇതുവരെ ആഹാരം കഴിക്കാന് കഴിഞ്ഞിട്ടില്ല. വെള്ളം വായിലൊഴിച്ച് നല്കിയാല് തുമ്മലും മറ്റ് അസ്വസ്ഥതകളും ഉണ്ടാകും. പൊക്കിളിനരികെ വയറ്റില് നിന്നിട്ട ട്യൂബ് വഴി ദ്രവരൂപത്തിലുള്ള ആഹാരമാണ് ഇപ്പോഴും നല്കുന്നത്. വയറില് ഒരു സര്ജറിയും നടത്തിയിട്ടുണ്ട്.
ശ്രീചിത്തിരയില് ചികിത്സ തേടിയെങ്കിലും നിഹാലിന് ആവശ്യമായ ചികിത്സ സംവിധാനം ഇല്ലാതിരുന്നതിനാല് ഇടപ്പള്ളി അമൃത മെഡിക്കല് സയന്സിലാണ് ഇപ്പോള് ചികിത്സ. ഫിസിയോ തെറാപ്പിയും സ്പീച്ച് തെറാപ്പിയും മുടങ്ങാതെ ചെയ്താല് മാറ്റം ഉണ്ടാകുമെന്നാണ് ഡോക്ടര്മാര് പറയുന്നത്. ഡോക്ടറുടെ കൈപ്പിഴകൊണ്ട് കുഞ്ഞിന് സംഭവിച്ച ദുരന്തത്തിന്റെ പേരില് നിരവധി ജനകീയ സമരങ്ങളും നടന്നിരുന്നു. നവാസിന്റെ വരുമാനം കൊണ്ട് തുടര് ചികിത്സക്ക് കഴിയില്ലെന്നിരിക്കേ, ഉദാരമതികളുടെ സഹായത്തിനായി കാത്തിരിക്കുകയാണ് ഈ നിര്ധന കുടുംബം, നീറിക്കോട് മഹല്ല് സെക്രട്ടറി പി.എം ഹസന് ചെയര്മാനായും വാര്ഡ് മെമ്പര് കാഞ്ചന സോമന് കണ്വീനറുമായി നിഹാല് ചികിത്സ സഹായ സമിതി രൂപീകരിച്ചിട്ടുണ്ട്. ഫെഡറല് ബാങ്ക് കരുമാല്ലൂര് ശാഖയില് നവാസ് കരീം പി.കെയുടെ പേരില് അക്കൗണ്ടും തുടങ്ങി.നമ്പര്: 1749010009467 ഐഎഫ്എസ് കോഡ് FDRL0001746 ഫോണ്: 9656589811.
