കണ്ണൂര്: കള്ളവോട്ട് നടന്നതായി കണ്ടെത്തിയ ഏഴ് ബൂത്തുകളിലെ റീപോളിങ് ആരംഭിച്ചു.കാസര്കോട്ട് ലോക്സഭാ മണ്ഡലത്തില്പ്പെട്ട കല്യാശ്ശേരി നിയമസഭാ മണ്ഡലത്തിലെ ബൂത്ത് നമ്പര് 19 പിലാത്തറ, ബൂത്ത് നമ്പര് 69 പുതിയങ്ങാടി ജുമാഅത്ത് എച്ച്എസ് നോര്ത്ത് ബ്ലോക്ക്, ബൂത്ത് നമ്പര് 70 ജുമാഅത്ത് എച്ച്എസ് സൗത്ത് ബ്ലോക്ക് എന്നിവിടങ്ങളിലും .
കണ്ണൂര് ലോക്സഭാ മണ്ഡലത്തില് പെട്ട തളിപ്പറമ്പ് നിയമസഭാ മണ്ഡലത്തിലെ ബൂത്ത് നമ്പര് 166 പാമ്പുരുത്തി മാപ്പിള എയുപിഎസ്, കാസര്കോട് തൃക്കരിപ്പൂര് ബൂത്ത് നമ്പര് 48 കൂളിയോട് ജിഎച്ച്എസ് ന്യൂബില്ഡിങ്, കണ്ണൂര് ധര്മടം ബൂത്ത് നമ്പര് 52 കുന്നിരിക്ക യുപിഎസ് വേങ്ങാട് നോര്ത്ത്, ബൂത്ത് നമ്പര് 53 കുന്നിരിക്ക യുപിഎസ് വേങ്ങാട് സൗത്ത് എന്നിവിടങ്ങളിലാണ് റീപോളിങ്.
ശക്തമായ സുരക്ഷാ ക്രമീകരണങ്ങളാണ് ഒരുക്കിയിട്ടുള്ളത്. ബൂത്ത് ഉള്പ്പെടുന്ന പോലീസ് സ്റ്റേഷന് പരിധിയിലും സമീപ സ്റ്റേഷനുകളുടെ പരിധിയിലും പ്രത്യേക നിരീക്ഷണമുണ്ടാകുമെന്ന് എസ്പി ശിവ വിക്രം പറഞ്ഞു.
അതേസമയം ബൂത്തുകളില് മുഖം മറച്ചെത്തുന്ന വോട്ടര്മാരുടെ മുഖാവരണം നീക്കി പരിശോധിക്കും. ഇതിനായി ബൂത്തുകളില് ഓരോ ഉദ്യോഗസ്ഥയെ വീതം അധികം നിയോഗിച്ചിട്ടുണ്ട്. വോട്ടര് പട്ടികയിുലെ ചിത്രവുമായി ഇത് ഒത്തു നോക്കും. ഇതിനായി ബൂത്തുകളില് പ്രത്യേകം മറയും ഒരുക്കുന്നുണ്ട്.
ജന്മഭൂമി ഓണ്ലൈന്