കൊച്ചി : ഭാര്യയെ കൊലപ്പെടുത്തിയെന്ന കേസില് സോളാര് കേസ് പ്രതി ബിജു രാധാകൃഷ്ണനെ വെറുതെ വിട്ടു. വിചാരണക്കോടതി കുറ്റവാളിയെന്ന് കണ്ടെത്തിയ കേസിലാണ് ബിജു രാധാകൃഷ്ണനെ ഹൈക്കോടതി ഡിവിഷന് ബെഞ്ച് വെറുതെ വിട്ടത്. കേസില് ബിജുവിന്റെ അമ്മ രാജമ്മാളിനെയും കുറ്റക്കാരിയെന്ന് കണ്ടെത്തിയിരുന്നു. അവരേയും വെറുതെ വിട്ടു.
എന്നാല് തനിക്കെതിരായ തെളിവുകള് കെട്ടിച്ചമച്ചതാണെന്നാണ് ആരോപിച്ച് ബിജു ഹൈക്കോടതിയെ സമീപിക്കുകയായിരുന്നു. കുട്ടി മാത്രമാണ് കേസില് സാക്ഷി ആയുള്ളത്. കൂടാതെ പ്രോസിക്യൂഷന്റെ വാദമുഖങ്ങള് വിശ്വാസ യോഗ്യമല്ലെന്നുമാണ് ബിജു രാധാകൃഷ്ണന് കോടതിയെ അറിയിച്ചത്.
എന്നാല് കുട്ടിയുടെ മൊഴിയുടെ അടിസ്ഥാനത്തില് വിചാരണക്കോടതി ശിക്ഷ വിധിച്ചത് ശരിയായില്ലെന്ന് ഹൈക്കോടതി അറിയിച്ചു. കുട്ടിയെ യാണ് സാക്ഷിയായി അവതരിപ്പിച്ചതെന്ന ആരോപണത്തെ ഘണ്ഡിക്കുന്നതിന് ആവശ്യമായ തെളിവുകള് ഹാജരാക്കാന് പ്രോസിക്യൂഷന് കഴിഞ്ഞില്ലെന്നും ഡിവിഷന് ബെഞ്ച് വിലയിരുത്തി. നിലവില് പൂജപ്പുര ജയിലില് തടവ്ശിക്ഷയനുഭവിച്ചു വരികയാണ് ബിജു.
