തിരുവനന്തപുരം : പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസിലെ പ്രതി മുന് ഇമാം ഷെഫീഖ് അല് ഖാസിമിയുടെ ജാമ്യാപേക്ഷ തിരുവനന്തപുരം പോക്സോ കോടതി തള്ളി. കേസില് മുന് ഇമാം ഷെഫീക് ഖാസിമി കുറ്റം സമ്മതിച്ചതായി പോലീസ് നേരത്തേ വ്യക്തമാക്കിയിരുന്നു.
വീട്ടില് വിടാമെന്ന് പറഞ്ഞാണ് പഠിക്കുന്ന സ്ഥാപനത്തില് നിന്ന് പെണ്കുട്ടിയെ ഇന്നോവ കാറില് കയറ്റിയതെന്ന് ഷെഫീഖ് പോലീസിന് മൊഴി നല്കിയിരുന്നു. തുടര്ന്ന് ഇയാള് പെണ്കുട്ടിയെ പേപ്പാറയിലുള്ള വനത്തിനോട് ചേര്ന്നുള്ള പ്രദേശത്തുകൊണ്ടുപോയി. ഇവിടെ വച്ച് വാഹനത്തിനുള്ളില് കുട്ടിയെ കണ്ട സ്ത്രീകള് ചോദ്യം ചെയ്തപ്പോള് രക്ഷപ്പെടുകയായിരുന്നു എന്നും പ്രതി മൊഴി നല്കിയിട്ടുണ്ട്.
സംഭവത്തില് പോലീസ് നേരത്തെ അറസ്റ്റു ചെയ്ത, ഷെഫീഖിന്റെ സഹോദരന് നൗഷാദാണ് ഇയാള്ക്ക് ഒളിവില് പോകാനുള്ള സഹായങ്ങള് ചെയ്തത്്. നൗഷാദിന്റെ അറസ്റ്റിന് ശേഷം ലഭിച്ച സൂചനയുടെ അടിസ്ഥാനത്തില് ഒരു ലോഡ്ജില് നിന്ന് ലഭിച്ച സിസിടിവി ദൃശ്യങ്ങളാണ് ഷെഫീഖിനെ കുടുക്കാന് പോലീസിനെ സഹായിച്ചത്.
