കൊച്ചി: മാതാ അമ്യതാനന്ദമായീ ദേവിയുടെ പിതാവും കഥകളി കലാകാരനുമായ ഇടമണ്ണേല്‍ വി.സുഗുണാനന്ദന്റെ പേരില്‍ എര്‍പ്പെടുത്തിയ കഥകളി പുരസ്‌ക്കാരം പ്രശസ്ത കഥകളി ആചാര്യനും വേഷം കലാകാരനുമായ കലാമണ്ഡലം കുട്ടന് മാതാ അമ്യതാനന്ദമയി മഠം ജനറല്‍ സെക്രട്ടറി സ്വാമി പൂര്‍ണ്ണാമൃതാനന്ദപുരിയും ചലച്ചിത്രതാരം ദേവനും ചേര്‍ന്ന് സമര്‍പ്പിച്ചു. തുടര്‍ന്ന് സുഗുണാനന്ദന്‍ അനുസ്മരണ സമ്മേളനം ദേവന്‍ ഉദ്ഘാടനം ചെയ്തു. സ്വാമി പുര്‍ണ്ണാമൃതാനന്ദപുരി അനുഗ്രഹ പ്രഭാഷണം നടത്തി.
50,000 രൂപയും ഫലകവും പ്രശസ്തിപത്രവും അടങ്ങുന്നതാണ് പുരസ്‌ക്കാരം. ഡോ.എ.കെ.സഭാപതി അദ്ധ്യക്ഷയായി. പി.കെ.സുധാകരന്‍, ഡോ.രാമാ പി.വേണു, വിശാല്‍ മര്‍വ്വഹ, അമ്പിക സുദര്‍ശന്‍, എം.ആര്‍.എസ്.മേനോന്‍ തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: